|
 |
 |
 |
|
رقم المشاركة : ( 1 )
25 - 09 - 2016, 09:42 AM
|
|||||||||||
|
|||||||||||
|
ازمة إرتباط - الحلقة الرابعة اتكلمنا عن 3 حلقات مهمة فى ( ازمة ارتباط ) و كانت ال 3 عناصر فى ال3 حلقات اللى فاتت بالترتيب هى ( الجدية - النضوج - الفرصة) النهاردة هنتكلم فى الحلقة الرابعة عن العنصر الرابع و هو : الوضوح يعنى ايه الوضوح؟؟ طيب انا اللى ابقى واضح ولا الطرف التانى؟؟ الاجابة: انتو الاتنين لازم تكونوا واضحين طيب يعنى ايه وضوح؟؟؟ يعنى انك تبقى نفسك بجد يعنى لو انتوا الاتنين جادين و عندكم نضوج و اديتو لبعض الفرصة يبقى ناخد فرصة بالبلدى كدة ( فرصة نضيفة ) لما طرف يسأل الطرف التانى اسئلة فى اطار التعارف الجاد الناضج ... فا لازم كل طرف من الاتنين يكون واضح وصادق فى كلامة مع التانى .. اجابات صريحة واضحة مفيش خجل .... اتكلم عن نفسك بشكل واضح متقولش حاجات مش حقيقية... اغلب الارتباطات اللى مكانش فيها وضوح للأسف باظت قبل الجواز... و اللى كمل و اتجوز فا عايش مخدوع او على الاقل بيحاول يتكيف علشان المركب تمشى فى الوضوح و الحقيقة مش هيكون فيه اى مجال لإحساسك بالندم ان الموضوع يكمل و يكمل و تبدء تفرح وفجأة تبدء كذباتك تبان و عدم وضوحك يظهر والطرف التانى يشوفك انسان مخادع و تبدء احلامك تنهار بعد ما كنت قربت تحقق اللى نفسك فيه لو بتعانى من مرض مزمن ... قول لو عندك مشكلة كبيرة فى اسرتك و المفروض تعرفيها للطرف التانى ... قولي لو عندك حاجة فى حياتك هتأثر على حياتكم بعد كدة... قول كل الحاجات الكبيرة و الضخمة اللى هتخبيها دلوقتى هتعملك مشكلة كبيرة قبل او بعد الخطوبة او الجواز اوعى تكذب على الطرف الاخر بخصوص سنك او شكلك او مرضك او حاجة كبيرة مش حقيقية فى حياتك.... قول الحقيقة ومتخافش اه على فكرة.... متاحول تبرر لنفسك الكذب على انه تجميل للواقع قووووووووووووول الحقيقة و بس الخلاصة جدية - نضوج - فرصة - وضوح دول خلاصة ال 4 حلقات اللى فاتت .. كل العناصر دي مهمة اوى ان تعارفنا و ارتباطنا ياخد شكل واضح و محترم و قوي و كمان مريح ... علشان فى عدم وجود الراحة ... مفيش تعارف ها يتم او ارتباط هيكمل لو حابب تقرأ الحلقه اللى بعد كده من هنا أزمة إرتباط - الحلقة الخامسة (الهدوء) cpd التعديل الأخير تم بواسطة Rena Jesus ; 25 - 09 - 2016 الساعة 09:59 AM 
|
|
| قد تكون مهتم بالمواضيع التالية ايضاً |
| الموضوع |
| ازمة إرتباط (1) |
| ازمة إرتباط !! الحلقة الاولي (الجديه) |
| أزمة ارتباط - الحلقة الثانية ( النضوج ) |
| أزمة إرتباط - الحلقة الخامسة (الهدوء) |
| أزمة إرتباط - الحلقة السادسه (التحدى) |
العرض الشجري