انا دكتور امراض نساء وتوليد
وطبعآ شغلنا كله فى الدم.المهم اصبت بفيروس(b) وكانت الاصابه شديده جدآ لدرجه ان وظائف الكبد ارتفعت اكثر من عشرين ضعف وهذا اثار الرعب فى قلوب الزملاء بتوع الباطنه وكانوا خايفين انه يحصل فشل كبدى حاد بسبب ان الفيروس دمر جزء كبير من الكبد..المهم طلبوا منى ان اعرض نفسى على استاذ كبير ولما شاف التحليل اصا
به الرعب الشديد وطلب منى ان لا اتحرك وهو مش مسؤل عنى لو اتحركت..وطبعا انا لما شفت كده اتخضيت على نفسى وكنت مش باقدر انام بسبب التفكير فى هذا المرض وخصوصا ان زوجتى كانت حامل فى الشهر الثالث وكنت اسأل نفسى ياترى هاشوف ابنى ولا لأ..المهم فى احد الايام وانانايم على السرير تذكرت انى اضع كتاب معجزات البابا تحت المخده وفعلا اخرجت الكتاب ونظرت الى صوره سيدنا على الغلاف وبدأت اتكلم معاه وقلت له ان كنت بتروح لناس كتير وتشفيهم انا خاطئى ولا استحق انك تزورنى لكن انا بطلب ردك على سؤالى ايه الحكايه؟ وصليت ورشمت الصليب 3مرات على الكتاب وفتحته واذا المعجزه التى امامى تقول شفاء من التهاب كبدى فيروسى(b)..وبالفعل عملت تحليل وكانت الحاله تتحسن كل يوم حتى انى شفيت تماما من المرض بل واصبحت عندى مناعه ضد المرض يعنى لو تعرضت لدم ملوث بالفيروس لا يصيبنى..واشكر الله وكذلك شفيعى القديس البابا كيرلس وارجو منه ان يسامحنى على تاخرى فى كتابه المعجزه..ومره تانيه وبعد شفائى من المرض كنت عاوز اشترى صور للبابا ومارمينا عشان الزقها على زجاج السياره..وذهبت الى مكتبه الكنيسه لشراء الصور ولكن المكتبه كانت مقفوله فزعلت جدا لانى لم احصل على الصور ثم قضيت بعض المشاوير وذهبت عند شقيقتى وهناك وبدون ان اتحدث عن اى شئ وجدت ابن اختى يحضر لى صور كثيره للبابا ومارمينا ويقول لى خد الى عاوزه يا خالى وشعرت ان البابا ومارمينا لما شعروا انى محتاج صورهم لم يتأخروا فى ارسالها بطريقتهم. ومعجزات اخرى كثيره قام بعملها معى شفيعى وحبيبي القديس الطوباوى مثلث الرحمات الانبا كيرلس والبطل الشهيد القديس مارمينا..ولله المجد الى الابد امين
02 - 10 - 2012, 08:35 AM
رد: البابا كيرلس بيرد على سؤالى
العرض العادي
