زوادة اليوم: الإتكال ع الرّب

[souad jaalouk]

زوادة اليوم: الإتّكال ع الرّب

بيخبرو عن شب كان عايش بمطرح قريب من قِلاّية ناسك، وكان هالشبّ يتعلّم منّو الإتّكال ع الله.

بيوم من الإيّام قرّر الناسك يعيش بقلاّية بعيدة، بس هالشبّ طلب من الناسك ياخدو معو، وهيك صار.
وصلو ع مطرح بعيد، وبلّش الناسك ينصُب الخيمة، وطلب من هالشبّ يلاقي محل يربط الجَمَل فيه. وبسرعة كتير كبيرة رجع الشبّ حتّى يساعد الناسك، ونامو...
الصبح بعد الصلا، بيطلب الناسك من الشبّ يروح يجيب الجَمَل، بسّ المفاجأة إنّو الجمل ما كان موجود، وبيرجع الشبّ إيديه فاضية. بيسألو الناسك عن الجَمَل، بيجاوبو الشبّ بكل بساطة: «إلك سنين تعلّمني الإتّكال ع الربّ، مبارح لـمّا ما لقيت محل إربط فيه الجَمَل، عطيتو للربّ حتّى هوّي يربطو».
الزوّادة بتقلّي وبتقلّك:
«حلو كتير الإتّكال ع الربّ، بس هوّي يلّي قلّك عطيني إيديك ت عمّر فيها العالم، ومش بس لإربط فيها الجَمَل».

[Mary Naeem]

حلو كتير الإتّكال ع الربّ، بس هوّي يلّي قلّك عطيني إيديك ت عمّر فيها العالم، ومش بس لإربط فيها الجَمَل
مشاركة جميلة جدا
ربنا يبارك حياتك