مين هو الشخص الناضج؟

[walaa farouk]

مين هو الشخص الناضج؟
١) بيعرف يختار المعارك بتاعته.

٢) فاهم نفسه كويس"عارف أنسب بيئة شغل ليه
طريقة التشجيع المناسبة ليه ..
طريقة العتاب المناسبة بالنسبة ليه..
نقاط قوته ونقاط ضعفه وإيه محتاج يشتغل عليه ..
بيعرف يحذر الناس منه في إيه".

٣) بيعرف لما يعدي بأزمة في حياته
هل دي أزمة محتاجه قرارات ومجهود ولا مشكلة وتعدي.

٤) عنده فن إسمه فن التمرير بيعرف امتى يعدي الحاجة
ميبقاش حساس لكل كلمة وبيعرف يحتوي ناس مختلفة معاه
أو مختلفة عنه ومبيقفش عند كل كلمة.
ومبينحصرش في ذاته في كل مشكلة تحصله.

٥) فهم إن الحياة محطات وكل مرحلة ليها بداية ونهاية
مهم يعرف إمتى بتبتدى وإمتى بتخلص..
ومهم ميقعدش فيها أكتر من اللازم ولا يمشي بدري..

٦) بيعرف يتعلم من دروس الحياة كويس لأنه دفع ثمنها
من نفسيته وفلوسه ووقته علشان ميدفعش تانى و يعلمه للناس.

٧) يعرف أن الحياة مش سبق "سبق الإنجازات المرهق".

٨) يعرف يقول لأ.. وال "لأ" بتاعته توكيدية (مش باهتة ولا عنيفة)
لأ لمن تعدى الحدود .. لمهام مش المفروض يقوم بيها..
لأشخاص إعتماديين عليه.

٩) بيعرف يفلتر القوائم الموجودة في حياته
(قائمة أصدقاء.. علاقات.. أولويات.. اهتمامات.. أعذار.. الحدود)
ميسبش أى قائمة منهم تتجدد من تلقاء نفسها.

١٠) بيعرف مع الوقت إيه الحقيقي و إيه اللي مش حقيقي
"إن علاقته بربنا أهم من حاجات بيديها وقت..
إن عيلته أهم من شغله.. إن الحفاظ على مبادئه ثابتة
علشان ميخسرش نفسه أهم من تحقيق أهداف بطرق مش مظبوطة".

[Haia]

(( علشان ميخسرش نفسه أهم من تحقيق أهداف بطرق مش مظبوطة".

))

[walaa farouk]

ميرسى على مرورك الغالى