|
 |
 |
 |
|
رقم المشاركة : ( 1 )
08 - 09 - 2012, 01:14 AM
|
|||||||||||
|
|||||||||||
|
زيزى الشاب ، نفسى تاخد بالك من شويه حاجات بتعملها " يا بت دا انتى زى اخويا" و ممكن ما بيكونش قصدك  زميلتك اللى فى الجامعه او فى النادى او فى اى مكان اللى بتعاملها كأنها واحد صاحبك و دايما كده بتحبط انوثتها و هى مجاملة ليك بتضحك و تعدى الموضوع اصلها مش هتقدر تفهمك اللى هقولك عليه دا يعنى اول ما تيجى تسلم عليها و تقولها "عامل ايه يا باشا" !!!! دى بنت يا أخى ، مش هقولك قولها "عامله ايه يا قمر" ، بس ما تقولهاش عامل ايه و تطير تاء التأنيث مرة واحدة  و يــــــــــــاه بقى لما تحب تستخف دم معاليك وسط صحابك و اول ما هى توصل ، تقوم تعلى حسك اوووووى و تقول "شويش عطيه وصل" قال يعنى الواد كده بيرحب بيها ، دا انت لو سمعتها سكاتك هيبقى احسن صدقنى  ولما تكونوا مثلا بتتكلموا و فى وسط الكلام كده تقولها مش فاهماك يعنى حضرتك !!!!!  ولما تحب تعمل كومنت على لبسها لو حلو تروح قايلها " ايه دا ايه اللى لبسك لبس العيد بدرى كده؟" او تستظرف اكتر و تقولها " ايه دا لبس البنات اللى انت لبساه دا !!! " مش فاهمه يعنى مستخسر تطلع كلمه حلوه ولا هتتعب ، لو هتتعب اسكت احسن من الدبش دا ، لو مزنوق يعنى وعايز تقول رأيك قول كلمه عدله  ولو مش عاجبك بقى اللبس تقولها " حلو اللبس دا جبتيه منين عشان عايز اجيب زيه" يا بـــــــــــــــــــــــواختك يا اخى !!!!!  و لما تعدى بنت بقى قدامك و تبص على صحابك البنات و تقولوهم "شايفين البنات؟؟؟؟؟ " يعنى انت اولا ما احترمتش ان انت قاعد مع بنات فعيب يعنى انك تبص على اى بنت معديه ، دا ابسط قواعد الزوق ، لو ما تعرفش النقطه دى ، فدى مشكلتك انت و حلها بمعرفتك ثانيا بقى رميت كلام زى وشك بيضايقهم صدقنى بس باردو بيضحكوا عادى  و عايزه اقولك حاجه لو البنت اللى انت عاكستها دى قاعده مع زمايلها الولاد و واحده من زميلاتك البنات عدت قدامهم هيقولوا نفس الكلام .  مع انك أصـــــــــــــــــــــلا بقى لو ركزت شويه جنبك هتلاقى "رجـــــــاله" قاعدين عادى من غير ما يعاكسوا لا دى ولا دى المشكله ان 90% من الولاد ما اتعلموش ازاى يتعاملوا مع بنات ( حافظه الكومنتات اللى هتتقال عالجمله دى فما بالك بقى لو كنت كتبت الجنس اللطيف)  عشان ما اطولش عليك احب اقولك حاجه يمكن ما تكونش واخد بالك منها لو انت شايف ان البنت اللى قدامك دى فعلا مسترجله فيها - وانا معاك ان فى بنات كده - فصدقنى انت اللى بأيدك تغير دا او تخليها تستمر كده ، طول ما انت عمال تحبط فيها استحاله هى تتغير ، و لو جت فى يوم و حبت تغير دا هتخاف من رأيك لان اول كومنت هتسمعه من حضرتك هو "انتى هتمثلى و تعملى فيها بنت"  سيبها يا اخى تمثل يمكن دى تكون بداية التغيير  و ما تقوليش بقى لا احنا صحاب اوووووى و هى عارفه انى بهزر ، انا معاك هى عارفة انك بتهزر ، بس من كتر ما هتسمع كلام سلبى منك ممكن تفقد ثقتها فى نفسها كبنت فليه تبقى السبب فى انك تأذى مشاعر انسان فكر كويس قبل ما تتكلم و تسمعها الكلام الدبش دا ، يا إما تسمعها سكاتك  
|
|
| قد تكون مهتم بالمواضيع التالية ايضاً |
| الموضوع |
| عزيزى الشاب |
| روحك تستاهل انك تاخد بالك منها |
| عزيزى الشاب |
| عزيزى الشاب انت ايوه انت ليك وبس |
| عزيزى المصرى اللى أنت بتعملها دى أسمها غيبوبة مش قيلولة |
العرض الشجري