منتدى الفرح المسيحى - عزيزى الشاب ، نفسى تاخد بالك من شويه حاجات بتعملها

زيزى الشاب ، نفسى تاخد بالك من شويه حاجات بتعملها
و ممكن ما بيكونش قصدك http://www.arabchurch.com/forums/ima...s/thnk0001.gif

زميلتك اللى فى الجامعه او فى النادى او فى اى مكان اللى بتعاملها كأنها
واحد صاحبك و دايما كده بتحبط انوثتها و هى مجاملة
ليك بتضحك و تعدى الموضوع اصلها مش هتقدر تفهمك اللى هقولك عليه دا

يعنى اول ما تيجى تسلم عليها و تقولها
"عامل ايه يا باشا" !!!!
دى بنت يا أخى ، مش هقولك قولها "عامله ايه يا قمر" ،
بس ما تقولهاش عامل ايه و تطير تاء التأنيث مرة واحدة http://www.arabchurch.com/forums/ima...lies/act23.gif

و يــــــــــــاه بقى لما تحب تستخف دم معاليك وسط صحابك
و اول ما هى توصل ، تقوم تعلى حسك اوووووى و تقول
"شويش عطيه وصل"
قال يعنى الواد كده بيرحب بيها ،
دا انت لو سمعتها سكاتك هيبقى احسن صدقنى http://www.arabchurch.com/forums/ima...ies/giveup.gif

ولما تكونوا مثلا بتتكلموا و فى وسط الكلام كده تقولها

" يا بت دا انتى زى اخويا"

مش فاهماك يعنى حضرتك !!!!!http://www.arabchurch.com/forums/images/smilies/gun.gif

ولما تحب تعمل كومنت على لبسها لو حلو تروح قايلها
" ايه دا ايه اللى لبسك لبس العيد بدرى كده؟"
او تستظرف اكتر و تقولها
" ايه دا لبس البنات اللى انت لبساه دا !!! "
مش فاهمه يعنى مستخسر تطلع كلمه حلوه ولا هتتعب ،
لو هتتعب اسكت احسن من الدبش دا ،
لو مزنوق يعنى وعايز تقول رأيك قول كلمه عدله http://www.arabchurch.com/forums/ima...s/nunu0000.gif

ولو مش عاجبك بقى اللبس تقولها
" حلو اللبس دا جبتيه منين عشان عايز اجيب زيه"
يا بـــــــــــــــــــــــواختك يا اخى !!!!!http://www.arabchurch.com/forums/ima...lies/act31.gif

و لما تعدى بنت بقى قدامك و تبص على صحابك البنات
و تقولوهم "شايفين البنات؟؟؟؟؟ "
يعنى انت اولا ما احترمتش ان انت قاعد مع بنات
فعيب يعنى انك تبص على اى بنت معديه ،
دا ابسط قواعد الزوق ، لو ما تعرفش النقطه دى ،
فدى مشكلتك انت و حلها بمعرفتك
ثانيا بقى رميت كلام زى وشك بيضايقهم صدقنى
بس باردو بيضحكوا عادى http://www.arabchurch.com/forums/images/smilies/t32.gif

و عايزه اقولك حاجه لو البنت اللى انت عاكستها دى
قاعده مع زمايلها الولاد و واحده من زميلاتك البنات عدت
قدامهم هيقولوا نفس الكلام .http://www.arabchurch.com/forums/images/smilies/a63.gif

مع انك أصـــــــــــــــــــــلا بقى لو ركزت شويه جنبك هتلاقى
"رجـــــــاله" قاعدين عادى من غير ما يعاكسوا لا دى ولا دى

المشكله ان 90% من الولاد ما اتعلموش ازاى يتعاملوا مع بنات
( حافظه الكومنتات اللى هتتقال عالجمله دى فما بالك بقى لو كنت كتبت
الجنس اللطيف)http://www.arabchurch.com/forums/ima...ilies/big4.gif

عشان ما اطولش عليك احب اقولك حاجه يمكن ما تكونش واخد بالك منها لو انت شايف ان البنت اللى قدامك دى فعلا مسترجله فيها
- وانا معاك ان فى بنات كده - فصدقنى انت اللى بأيدك تغير دا
او تخليها تستمر كده ، طول ما انت عمال تحبط فيها استحاله هى تتغير ،
و لو جت فى يوم و حبت تغير دا هتخاف من رأيك لان اول
كومنت هتسمعه من حضرتك هو
"انتى هتمثلى و تعملى فيها بنت" http://www.arabchurch.com/forums/images/smilies/t23.gif
سيبها يا اخى تمثل يمكن دى تكون بداية التغيير http://www.arabchurch.com/forums/ima...es/ranting.gif

و ما تقوليش بقى لا احنا صحاب اوووووى و هى عارفه انى بهزر ،
انا معاك هى عارفة انك بتهزر ،
بس من كتر ما هتسمع كلام سلبى منك ممكن تفقد ثقتها فى نفسها كبنت
فليه تبقى السبب فى انك تأذى مشاعر انسان

فكر كويس قبل ما تتكلم و تسمعها الكلام الدبش دا ،
يا إما تسمعها سكاتكhttp://www.arabchurch.com/forums/ima...ies/banned.gif