|
 |
 |
 |
|
رقم المشاركة : ( 1 )
26 - 04 - 2019, 06:51 PM
|
|||||||||||
|
|||||||||||
 = انتى مضايقه ليه دلوقتي ! - مضايقه ليه ! انا فيه نار قايده ف قلبي !انا قلبي اكلو الوجع = أهدى بس وفهمينى براحه - بوص انا مش فارق معايا أنه حبني وسابني ولا أنه من البدايه ماحبنيش انا كل اللى فارق معايا انى كشفتلو نفسى فاهم يعنى ايه ! = اشرحيلي - عريتلو كل المناطق اللى وجعانى قولتلو الكذب بيوجعنى قولتلو ناس كتير خذلتنى قولتلو انا اكتر حاجه بتكسرنى اتعشم ف حد ويخون العشم قولتلو انا نقط ضعفي انى بصدق وبثق بسرعه قولتلو انا بتعلق زى الاطفال ماتمشيش !! حكتلو ع اصغر تفاصيلي واحلامى والحاجات الهبله اللى نفسى اعملها ، عرف اصغر الحاجات عنى واتعمق ف معرفتي كشفتلو ايه اكتر الحتت اللى ممكن تجيب نهايتى اديتو السكينه اللى يدبحنى بيها قولتلو انا دا ودا ودا بيدبح قلبي راح عملهم كلهم !! متخيل انك تقول لحد الحته دى بتوجعني يروح يدوس عليها ويقولك دي !! اهو هو عمل كدا بالظبط وتقولي ايه مضايقك ! انا نار بتاكل فيا ماعاش اللى يضايقك وانا موجود - لو سمحت انت عمرك ماهتحس بيا = وانتي اش عرفك ! - اصل انا عن نفسى مابعرفش بقيمه الحاجه وقد ايه وجعها غير لما احسها - فانت استحاله تحس ب حرقه قلبي غير لما تكون جربت = مانا جربت ! - ياسلام الإله جرب يتساب ويتخان ويتخذل وعشمو يتكسر !! = للاسف جرب عارفه مش عاوزك تزعلي بس انا يمكن اكتر منك - اشرحلي= انتي لما زعلتى ع اللى حبتيه ، انتى يادوبك عرفتيه ف مده شهر تقريبا ، وأثر فيكى واتعلقتي بيه بشكل مرضى كدا= انا بقي خلقتهم وكانوا بيكبرو قدام عنيا وحافظت عليهم وعرفتهم طريقي وقولتلهم امشوا معايا ومشيوا معايا وفهمونى أنهم بيحبونى واتعشمت فيهم ووثقت فيهم كمان وفهمونى أنهم عمرهم ماهيسبونى وانا صدقت ! وفجأة مالقتش حد جنبي !اللى خانى واللى سلمنى واللى باعنى واللى عمل مايعرفنيش ! متخيله انتى كنتى يادوبك بتكلمى واحد شات انا كنت باكل معاهم ليل نهار اكيد وجع القلب مضاعف صح !عارفه مش فارق معايا كل العذاب الجسدى قد ما كسرو قلبي ووجعوه النار اللى بتاكل ف قلبك من شخص كان زيها ف قلبي ومن كذا شخص كنت بقول عليهم ولادي وتلاميذى وصحابي = صعب اوى كسره الضهر وكسره النفس اللى بتحسى بيها وقتها لما تفهمى أن كل كلام الحب اللى كنتى مصدقاه وبتنامى تحلمى بيه وهم ! ادعاء ! مالهوش أساس من الصحه !- انت برضو حسيت بكدا ! = واتقالي مش هنسيبك واتقالي مؤمنين بيك واتقالي اننا معاك = متخيله أن ف الوقت دا ذات نفسو كان فيه منهم اللى بيتفق عليا ! - ع كدا انت كنت بتتألم نفسيا مش جسديا وبس !! = متخيله لما تلاقي كل اللى حواليكى عليكى وقليل جدا اللى لسه واقف ف صفك اكيد هتصعب عليكى نفسك ، بوصي تقريبا الالم النفسى كان أكبر - خلاص ماتزعلش ماكنتش اعرف انك جربت نفس الالم = وحتى لو فيه الم ماجربتوش ، انا بحس بيكى دايما ، وقلبك بلخبطه مشاعرو اللى ماحدش فاهمو ، انا اللى خالقو ! يعنى حافظو = وماتقلقيش ، الحق هيرجع حق دموعك اللى كان سبب فيها وحق عشمك اللى اتزرع ف قلب خاين وحق كل احساس صادق حسيتى بيه ف لحظه صنعها هو من كذبه هيرحعلك وهتتعوضى - تفتكر فيه تعويض للحاجات دى ! = زى ما كان فيه قيامه وفرح بعد الخذلان والألم والوجع = هيكون فيه ازاله لكل جرح قديم و زهور هتنبت ف قلب الشروخ وجمالا عوضا عن ايام كانت كلها رماد - بوص خلاص انا واثقه فيك ، اللى اتحمل كل الالم دا وعاد بمجد عظيم اكيد قادر يبدل حزن قلبي اللى أبدع عشان يفدينى هيبدع عشان يفرحنى = وانا بنتي ماتنكسرش ابدا وماعاش اللى يكسرك قومي ورانا فرح نجهزلو منقول 
|
|
27 - 04 - 2019, 01:06 PM
|
رقم المشاركة : ( 2 ) | ||||
|
† Admin Woman †
|
رد: اللى أبدع عشان يفدينى هيبدع عشان يفرحنى
وانا بنتي ماتنكسرش ابدا وماعاش اللى يكسرك قومي ورانا فرح نجهزلو
مشاركة جميلة جدا ربنا يبارك حياتك |
||||
|
|
|
27 - 04 - 2019, 05:35 PM
|
رقم المشاركة : ( 3 ) | ||||
|
..::| الإدارة العامة |::..
|
رد: اللى أبدع عشان يفدينى هيبدع عشان يفرحنى
ميرسى على مرورك الغالى  |
||||
|
|
 |
|
العرض العادي
