زوادة اليوم : الصّلاة اليوميّة

[souad jaalouk]

زوّادة اليوم: الصّلاة اليوميّة
زوّادة اليوم بتضوّيلنا عن الشباب والصبايا لّي بيوصلوا للإنتحار لأسباب كتيرة. ناس بتشوف كل البواب مسكرة بوجهن بيقرّرو يحطّو حدّ لمعاناتن و معها لحياتن، ناس تا يهربو من الواقع بيختارو هالشي، ناس ما بيكونو بكامل وَعيُن و غيرن ما بيكونو قادرين يتحمّلو ظروف معيّنة بيفكرو انّو هيدا هوّي الحل، منّن مش قادرين يعيشو حياة كريمة ومنّن مش قادرين يتعايشوا مع حدا و غيرها كتير قصص. ربنا عطانا نعمة الحياة و هوّي وحدو اللي بيستردها! شو ما كانت الصعوبات و الظروف و المشاكل اكيد مش هيدا هوّي الحل! هيدي الطريقة اذا بتعبّر عن شي بتعبّر عن انانيّة و عن جُبُن! الشجاع هوّي اللي بيواجه ما بيهرب شو ما كانت النتيجة. الرب هوّي البداية و النهاية، هوّي الملجأ النا، هوّي مصدر قوّتنا و صمودنا بأصعب العواصف! ما تيأسو و تذكّرو انّو الصلاة مش بس يوم الأحد او عالمناسبات،الصلاة اليوميّة بتساعدنا لنكمّل حياتنا بطريقة صحيحة ودَوَا لكل مرض جسدي و روحي...
تذكّرو كمان انّو ربنا بيعطي اصعب معاركو لأقوى جنودو! الله معكن