شهود عيان

[walaa farouk]

ازاي يكون فيه كل الناس دي بتحكي نفس الحدث وفي الأخر يطلع كدب!

أي حدث كبير بيحصل في أي دولة زي حرب أو ثورة أو مجاعة، عادةً بيكتب عنه المعاصرين للحدث في وقتها، وممكن ناس بعد سنين تقرر تكتب عن نفس الموضوع، بس ساعتها هنرجع برضه نتأكد من صحة الكتابات دي عن طريق اننا نشوف الناس القديمة اللي كانت معاصرة الحدث كتبت إيه، فأكيد اللي هيكتبوه هيكون واقعي أكثر بكتير من اللي كتبه حد مشفش ومعاصرش الأحداث!!

المخطوطات!

نفس الفكرة مع الكتاب المقدس، هتلاقي ليه مخطوطات اتكتب سنة ١٠٠ م يعني تقريبًا بعد ٧٠ سنة بس من موت المسيح وده معناه أن اللي كتبوا كانوا شهود عيان للأحداث،من أهم المخطوطات دي على سبيل المثال لا الحصر مخطوطة جون رايلاند ويعود تاريخها إلى العام 125 ميلادي، مخطوطة بودمير وتاريخها يرجع إلى العام 150 ميلادي، مخطوطة تشستر بيتى وترجع إلى 220م. هذا بالإضافة إلى مخطوطات كثيرة ترجع إلى القرنين الرابع والخامس للميلاد، منها: النسخة السينائية وترجع إلى 340 م، وهي محفوظة الآن بالمتحف البريطاني. والنسخة الفاتيكانية وترجع إلى 350م، وهي محفوظة في المكتبة الفاتيكانية. والنسخة الإسكندرية وترجع إلى 450 م، وهي موجودة في المتحف البريطاني. والنسخة الأفرايمية وترجع إلى 450م، وهي محفوظة في المكتبة الوطنية بباريس

دليل صحة الكتاب المقدس!

ومن المؤكد أن مفيش كتاب على مر التاريخ ليه مخطوطات تاريخها قريب من تاريخ الحدث زي الكتاب المقدس، ورغم كل الإدعاءات والتلفيق والإتهام بالتحريف في الكتاب المقدس إلا إنه إلى الآن محدش يقدر يثبت حاجة وده دليل على صحة الكتاب المقدس و لو هنشكك في الكتاب المقدس يبقى لازم نشكك في أعظم كتب التاريخ اللي بنثق فيها وبنعتبرها مرجع لينا، لأن الأراء بتختلف وطبيعي اللي كتب كتاب النهاردة ممكن يجي واحد تاني ويغيره ويكتب حاجة عكسه، بس دا محصلش مع الكتاب المقدس لأنه مش كتاب عادي مكتوب على إيدين ناس وخلاص، الكتاب دا كلمة الله

[Mary Naeem]

بس دا محصلش مع الكتاب المقدس لأنه مش كتاب عادي مكتوب على إيدين ناس وخلاص، الكتاب دا كلمة الله

صح يا قمر

ربنا يباركك حببتي

[walaa farouk]

ميرسى على مرورك الغالى

[صلاح الدين الايوبي2]

صح يا قمر
ربنا يباركك حببتي