جواز الغاية و جواز الوسيلة

[Rena Jesus]

جواز الغاية و جواز الوسيلة

يعني الجواز بالنسبة لكم يا اما هدف يا اما وسيلة نبدأ نقارن بقي

1- جواز الغاية :
يعني انت بتتجوز عشان الجواز مش عشان الشخص ( الجواز هو الغاية)
جواز الوسيلة :
انت بتتجوز عشان الجواز وسيلة انك تكون مع الشخص اللي اخترته ( الشخص هو الغاية )

2- جواز الغاية :
بتتجوز عشان تستقر و تجيب عيال و تكون عيلة مش مهم مع مين الاستقرار و لا من مين العيال
جواز الوسيلة :
انت مش عايز لا الاستقرار و لا العيلة و لا العيال غير لو مع شخص معين و من شخص معين

3-جواز الغاية :
لو سألوا مين الاهم الشخص و لا ولادك و تفدي مين هيختاروا عيالهم و يتحرقوا اجوازهم
جواز الوسيلة :
الشخص و العيال مهمين و تفدي الاتنين بعنيكوا لانك بتحس ان الاتنين حتة منك

4- جواز الغاية :
بنقيم ممتلكات الشخص فلوس ايه و عربية ايه و شقة ايه و عيلة ايه لكن لو جردنا الشخص دة من الحاجات دي هيترفض وش ، ملوش لازمة اصلا لانه مالوش قيمة في ذاته قيمته في ممتلكاته
جواز الوسيلة :
الشخص في ذاته القيمة سواء يملك او لأ

5- جواز الغاية :
بيحقر الشخص و بيستعمله عشان نحقق امنيات شخصية لينا زي شكلنا في المجتمع ، منحملش لقب عانس ، استقرار ، امومة ، ابوة ، نكمل البرستيج و الذي منه ، و اهالينا تفرح بينا
جواز الوسيلة :
بيعزز الشخص و يبين قيمته بيستخدم الشئ ( الجواز ) من اجل الانسان

في الاخر : ( اتمني انكوا كأشخاص تكونوا غاية مش وسيلة ) .

[magy]

3-جواز الغاية :
لو سألوا مين الاهم الشخص و لا ولادك و تفدي مين هيختاروا عيالهم و يتحرقوا اجوازهم

موضوع حلو ومهم جداااا
ياريت كل البنات تفهم معني الكلام دة
وبلاش تسرع في الموافقة علي اي جوازة
التمهل والتعقل في الأختيار

ربنا يباركك ويفرحك رينا

[walaa farouk]

ميرسي على مشاركتك الجميلة رينا

[Rena Jesus]

ميرسى لمروركم الغالى

[Mary Naeem]

موضوع مميز

شكرا يا قمر

[marit jesus]

جميييييييييييلة جدا
ربنا يعوض تعب محبتك

[Rena Jesus]

ميرسى لمروركم الغالى