أتنازل بإرادتي وأرفع ضغطي أتعب نفسي وأفضل أتنازل
أتجاهل كرامتي وأقول لأجل ربي ويجرني التفاؤل
افتكر ضيقي وأحس بكسره واداوم التعامل
مع مين الحرب والصراع
مع ناس قلبها بياع
ممكن اضحك لكن دموعي جوه كياني
وعلشان كده نفسي ابقي انسان تاني
لاني تعبت وحاسس أوجاع قلبي تعباني
ياربي ارجوك متسبنيش كتير مذلول
خد مني المر والكسره كل ما اشعر بيها علي طول
فكرني بصلبك وذل الجلد وافضل أقول
اعمل اللي أنت عايزه فيا علي الأرض
وفكرني بلحظه موتي علشان ارمي حزني عليك
وافتكر الخير لغيري وألقي. نعمه جوه عنيك
كل ما أقول خلاص رجعت بلقي احتمالي له حدود
لكن برجع وابكي قدامك وأقول يارب أنت موجود
متبكيش ياعيني متبكيش ليكي رب رؤوف وحنيين
متبكيش ياقلبي بس اسكت ومع ربك اتكلم
مافيش شيء يستاهل حزن خلي الحزن بحسب مشيئته
وافتكر لما جه ع الارض وباعه خاصته وكانوا سبب ضيقته
طلبت وقلت ربي يهمني رضاك مش مهم رضا الناس عليا
وخليني حمل وسط ذئاب علشان انول في الآخر الابديه
لكن بيجيني وقت واضعف والقي حزني فوق الأكتاف
واطلب من ربي يساعدني أخرج من مر الأنفاس
ساعدني يارب اعمل رضاك حتي لونتيجته مهانتي واهانتي
طول ما أنا عيني عليك علي طول إبليس مش هيسلب مني حمايتي
تعالي لاني في اشد احتياجي إليك
تعالي متسبش فرصه لابليس يبلعني
تعالي ارجوك ده أنا عيني عليك
أنا عندي رجاء انك سامعني
ومتبكوش ياعيني وياقلبي ويا نفسي متبكوش
الهي جاي حالا علشان عني يحوش
متبكوش
