|
 |
 |
 |
|
|
|
رقم المشاركة : ( 1 )
06 - 01 - 2021, 09:17 AM
|
|||||||||||
|
|||||||||||
 صمتي اعتذار مهذب عن عشرتك .. صمتي رسالة من قلب حساس و حساس قوي، حاول يكلمك مرة و مرات فاتصدم في ردك القاسي و مشاعرك الناشفة، و تجاهلك المؤلم.. صمتي دهشة من لطفك العجيب مع اللي ليك معاهم مصالح ، و تجاهلك الشديد معايا ، و انا اللي كنت فاكر انك محبتنا فوق كل مصالح .. صمتي رسالة ، عارف انها اصلا مش ح توصلك ، لأنى لو فارق معاك كنت من الأول ما جرحتنيش و لا هانت عليك مشاعري .. او علي الاقل لما حسيت اني بعدت و سكت و اتغيرت أو حتي قلت لك "اول كلمة عتاب" كنت راضيتني و لو بكلمتين، و انا كنت ح انسي لك اي قساوة .. صمتي ليك رسالة باعفيك فيها منى ، من وجودي في حياتك ؛ قررت فيها اني لا استجدي منك الرضي و الشفقة .. فيها قررت انسحب بعد ما كل محاولاتي ماتت عند ابوابك .. اوعي تفتكر اني باعاقبك، انا اللي موجوع قبلك و اكتر منك و انا كل ما باشوفك بألجّم لساني اللي اتكلم معاك قبل كده و اتصدم فيك .. صمتي وجع ، بعدد الدقايق و الساعات و الأيام اللي قعدت استناك فيها تراضيني و ما حصلش.. و حتي لو في يوم قررت تراضيني، عشمي فيك بقي زيك زي الغريب، لاني مش ناوي اتصدم فيك تاني .. صمتي حب ليك و احترام لكرامتي ، انسحاب مهذب ، مع خالص دعواتي بكل نجاح و سعادة و انت في حسابات صلاتي و محبتي ، بس بره حسابات عشرتي .. 
|
 |
|
| قد تكون مهتم بالمواضيع التالية ايضاً |
| الموضوع |
| ان صمتي |
| صمتى ....... |
| صمتى |
| صمتي |
| بعد اتهام منة شلبي بإهانة الذات الإلهية شاهد اول رد من منة شلبى |
العرض المتطور