مكرونه بالبشاميل صيامي بفول الصويا

walaa farouk · رقم المشاركة : ( 1 ) 06 - 03 - 2019, 08:58 PM

مكرونه بالبشاميل صيامي بفول الصويا

المقادير
نص كيلو مكرونه مسلوقه ومتصفيه
2 كوب صويا مجروش و منقوع في كوب ونص ميه وبهارات
وملح وفلفل وقرفه وجوزه الطيب وبابريكا وممكن بصل بدره لو متوفر
بصله مقطعه مكعبات ومعلقه صلصه
3 معلقه سمنه نباتي او زيت و3 معلقه كبيره دقيق
و3 كوب ماء ساخن مذاب بكل كوب 3 ملعقه كريمر
الطريقه :-
هنحمر البصله في الزيت ونضيف الصويا
ونقلب شويه وبعدين نضيف معلقه الصلصه ونقلب ونرفعه من النار
نحضر البشاميل نحط الزيت او السمنه يسخنو ونضيف الدقيق
ونقلب شويه ونضيف الكريمر بالتدريج مع التقليب لحد ما القوام يبقي كويس
ونضيف ملح وفلفل و رشه جوزه الطيب
هنقلب المكرونه مع جزء من البشاميل ونسيب جزء للتغطيه علي الوش
هنحط في قاع الصنيه معلقتين من البشاميل او ممكن زيت
ونحط نص كميه المكرونه وبعد كده الصويا وبعد كده النص التاني من المكرونه
ونغطيها بصوص البشاميل وندخلها فرن سخن لحد ما الوش يحمر

Mary Naeem · 07 - 03 - 2019, 10:50 AM

مشاركة جميلة جدا
ربنا يبارك حياتك

walaa farouk · 07 - 03 - 2019, 09:15 PM

ميرسى على مرورك الغالى مكرونه بالبشاميل صيامي بفول الصويا