«لعنة الفراعنة» تهدد شركات المحمول بعد اختراقها سيرفرات «TE data»
حالة ارتباك شديدة أصابت الشركة المصرية لنقل البيانات "تي إي داتا" أمس الخميس، وذلك على خلفية وصول رسائل نصية من قبل الشركة لبعض المواطنين على هواتفهم المحمولة تطالبهم فيها بمقاطعة شركات المحمول يوم الأحد القادم، في إطار حملة دشنتها ثورة الإنترنت على تلك الشركات اعتراضًا على غلاء أسعار الإنترنت وضعف جودة الخدمات.
وفور اختراق سيرفرات "تي إي داتا"، قام المخترقون بإرسال رسالة نصها "يوم الأحد الجاي ٢٠ سبتمبر، هنقفل موبايلاتنا أو هنشيل الشريحة منها أو هنعملها وضع الطيران، من الساعة ٣ العصر لحد الساعة ٨ مساءً، اعتراضًا على سوء خدمات الاتصالات والإنترنت وارتفاع سعر شريحة الموبايل، ولإيصال صوتنا للحكومة الجديدة.. ماتخليش الرسالة تقف عندك، ابعتها لكل أصحابك، وشارك بالهاشتاج على مواقع التواصل #بلاها_موبايل".
وأعلنت صفحة لعنة الفراعنة، وهي الصفحة المنشأة حديثًا، مسئوليتها عن الاختراق وقالت نصًا "ليه اخترقنا TEdata لأنها الشركه رقم واحد في مصر المسيطرة على خدمات الإنترنت، وهي سبب المهزلة اللي بتحصل في البلد، مليانه حراميه بيمصوا دم الشعب، وبيسرقوا المال العام، الشركه دي في إيديها تحسن منظومة الإنترنت في مصر ومش عايزه عشان الحرامية اللي فيها الدور جاي على مين؟".
ووجّهت الصفحة رسالة لشركات المحمول قائلة، "رسالة لشركات الإنترنت والاتصالات, سرقتونا كتير ولسه بتسرقونا, بس اعملوا حسابكوا إننا شعب بيقولوا عليه فراعنة ولما بنغضب مبنهداش إلا لما نعمل اللي احنا عايزينه".
18 - 09 - 2015, 12:52 PM
قد تكون مهتم بالمواضيع التالية ايضاً
العرض الشجري