•.ღ.•*• معانا ومعاكم شخصية جميلة •.ღ.•*•~-. على كرسى الاعتراف

[بنتك يايسوع]

المشاركة الأصلية كتبت بواسطة ramez5

اهلاً بيكى ودايماً منورانا
وبنرحب بيكى على كرسى الإعتراف
ونحب نعرف

علاقتك اية بالكتاب المقدس
فى الحقيقة علاقتى بيه عادى جدا يعنى مقدرش اقول تعمق
وبحب جدا التاملات فى الكتاب المقدس واخد كل موقف فيه واشوفه بينطبق على ايه فى حياتى الشخصيه

علاقتى بالكنسية
انا بصراحه محظوظة جدا بوجودى فى كنيسة زى كنيستى
علاقتى وطيده جداا جداا باب اعترافى وخدام الخدمة بتاعتى
قريبيين من بعض جدا جدا ومش بنتعامل بطريقة رسميا
ليا خادمة مرشدة روحيه وتعتبر مرايتي بقولها عن كل تفاصيل حياتى بحس فى وسطهم بالامان والمحبة الغير الطبيعيه
ودايما بحسد نفسي انى موجودة فى وسط خدام زى دول
واب اعتراف يعتبر ابويا قبل ما يكون اب اعترافى
ده غير الافتقاد المستمر والسؤال الدائم عليا
بصراحه لو فضلت احكى عن علاقتى بكنيستى مش هايكفيني اكتبها هنا

ميرسي كتييييييييير لحضرتك

[Haia]

اهلا بيكى .
سعدنا كثيرا بلقائك
سؤال واحد فقط
ماهو موقع القضاء والقدر من حياتك ومن رؤيتك الشخصية ؟؟

[بنتك يايسوع]

المشاركة الأصلية كتبت بواسطة haia

اهلا بيكى .
سعدنا كثيرا بلقائك
سؤال واحد فقط
ماهو موقع القضاء والقدر من حياتك ومن رؤيتك الشخصية ؟؟
شخصيا انا مش بؤمن بحكاية القضاء والقدر دى
يعنى الانسان مخير ومش مسير وربنا ترك له الحريه فى كل شئ وعلى حسب اختياره هايكون مصيره لكن ربنا مش هايحدد كل حاجه لحياة الانسان والا فهيكون ايه لازمة الانسان اساسا
يعنى مثلا
واحد غير مسيحي مينفعش نقول قدره كده لكن بارادته الحره يقدر يقرر مصير حياته ويغير مجرى حياته بالكامل
او مثلا انسان خاطى مينفعش كل ما يعمل خطيه يقول ده قدر ولو ربنا مش عاوزنى اعمل كده مش هعمل والا بقي كده يكون ربنا كاتب النار والجحيم
او مثلا فى الدراسه مينفعش واحد يتهاون طول السنة وييجي على الامتحان يجيب مجموع قليل ويقول ربنا كاتب لى ادخل الكلية دى لا على حسب اجتهاده هاتكون كليته
او مثلا واحده تتجوز انسان مش كويس وبعد كده يطلع حرامى ولا قاتل ولا غيره اكيد مش ربنا هو اللى كاتب لها انها تعيش مع انسان زى ده والا بكده يبقي ظالم
وغيره من الامثلة اللى بتبين ان الانسان مخير فى كل حياته
وربنا مش كاتب له شئ معين ولا فارض عليه شئ ولكن كل انسان له ارادة كاملة وحرية مطلقة فى اختيار كيف تكون حياته وعلى اى شئ تنتهى

بجد سؤال اكتر من رائع
ميرسي ليكي كتيييييييييير