اجتماع طابيثا | للصلاة والترنيم والتأملات الروحية للخدام والخادمات ( كنيسة الفرح المسيحى )

[Mary Naeem]

مساء الخير على اجمل اعضاء
أعضاء الفرح المسيحي
كل اجتماع وانتم طيبين
نبدأ بالصلاة الربانية
أبانا الذي في السموات.......
ثم هذه الصلاة البسيطة

بصيت لصورتك .. وفهمت كلامك

حسيت ان بعدى عنك
هو سبب حزنك وآلآمك
يا يسوع انا مستاهلش حتى اكون خدامك
لكن ارجوك ارعانى
واجمعنى وسط قطيع اغنامك

حتى ان كنت ضللت

أنا مأقدرش على بعدك أو خصامك

عارفك صابرعليا ودايما بتنورعينيا

وحتى لما بسيبك بتفضل ماسك فى ايديا

سامحنى ارجوك انا محتاج تضمنى وتعطف عليّ
ومهما ضللت .. برضه هاتفضل انت راعيّ

اخبرنى اين تربط وقت الظهيرة

انا تايه ودايما افكارى مخليانى ف حيرة
وعايش ف دنيا غريبة ومريرة
مليانة بالقسوة وبحروب تانية كتيرة
ارجوك يارب ارشدنى وارفعنى لسماك المنيرة
وسامحنى على كل خطية وعلى اى افكار شريرة

[nasser]

آمين
صلاة جميلة جداً

[nasser]

والآن مع ترنيمة(ما أحلى أن نجتمع معاً) للأستاذ رامز
اتفضل يا أستاذ رامز

[nasser]

ترنيمة خالدة
شكراً يا أستاذ رامز

[Ramez5]

لما نقرا في الانجيل نعرف ان يسوع المسيح كان بيعلم الناس عن ملكوت السموات والناس اللي حبت تعليمه وسمعت كلامه وامنوا بيه كانوا يقعدون حواليه وهو بيعلمهم الايمان السيلم وكانوا بيقولوا ليه " يا معلم " يعني " يا مدرس "
وعلشان كده الناس اعتبروهم انهم بقوا تلاميذ له وبعد ما صعد يسوع المسيح الي السما كل الناس اللي امنت بالسيد المسيح بقي اسمهم تلاميذ لغاية ما الناس اللي في انطاكيه سموا كل اللي امنوا بالسيد المسيح مسيحين ومن يوميها وكل اللي يامنوا بالسيد المسيح يبقي اسمهم مسيحين

الكلام ده معناه اننا تلاميذ للسيد المسيح والتلميذ الشاطر يسمع كلام المدرس بانتباه ويسـأل ويسمع شرح المدرس علشان يبقي فاهم الدرس كويس
يبقي علشان نفهم كلام ربنا يسوع المسيح يبقي لازم نتعلم كويس في المدرسه ( الكنيسه ) . مره تانيه احنا تلاميذ حبيبنا يسوع المسيح ولازم نبقي شاطرين وفاهمين كويس هو عاوز يعلمنا ايه وبعدين ننفذ كلامه بايمان وبدون خوف ونبقي حاسين انه معانا دايما

طب ازاي نحس ان ربنا معانا ؟
زي ما قلنا الله محبه واللي يحب ربنا قوي يلاقي نفسه فرحان قوي وما فيش حاجه تزعله . اول حاجه نتعلمها اننا مادام بنحب ربنا قوي يبقي دايما نصلي لربنا ، ودايما نشكره ونطلب منه انه يكون معانا واحنا في البيت خارجين نطلي منه ونقول " يارب احنا بنحبك قوي خليك معاما ، وخليك يارب معانا في كل مكان و احفظنا من الشرير ، يارب ابعت الملايكه علشان تحرسنا ونعيش في سلام مع كل الناس " .