اجتماع طابيثا | للصلاة والترنيم والتأملات الروحية للخدام والخادمات ( كنيسة الفرح المسيحى )

[nasser]

منتظرينك يا اوفا فى الاجتماع اللى جى تحكيلنا عن حكاية أبونا فلتاؤس معاكى زى ماريا
حاضر يا كاتى ومنتظرين منك مواضيع فى الاجتماع اللى جاى

[ماريا تى ثيؤتوكوس]

شوفتى يا اوفا مش قولتلك لازم تسمعى معجزتى
علشان انت سبب كمان فيها
وانت شدتينى لأبونا فلتاؤس وبقيت اركز معاه اكتر بسببك

[بنت معلم الاجيال]

معلش يا جماعة انا مضطرة استاذن لان مش هينفع اقعد اكتر من كدة
لظروف ما
ربنا معاكم و اشوفكم بكرة علي خير
و سلام المسيح مع جميعكم امين

[كاتى]

المشاركة الأصلية كتبت بواسطة ماريا تى ثيؤتوكوس

سلام ونعمه للجميع
من حوالى اسبوعين جاتنى صوره هديه
لأبونا فلتاؤس وكنت اول مره
اشوف صورته او اركز فيها تملى بشوفها بس بدون تركيز شكله جميل وله بسمه هاديه ومليان سلام

بعدها بفتره جوزى هو ونازل من عربيته لقى تحت رجله صوره لابونا فلتاؤس فأخدها وحطها فى المدخل تحت لانها كلها تراب ومش نضيفه فأبنى طلعها الشقه وادهانى فأخدتها ونضفتها واول حاجه جات عليه عينيا وانا بنضفها شفيع المستحيلات
وكان جووزى عايز حتة ارض يعمل عليها مشروع وكان تمن الارض 140000 جنيه وهو مش معاه سيوله فلوسه فى السوق اغلبها
وشهادات الاستثمار لسه متجدده مش هينفع نسحب منها
فقولت يهزار كده لما انت شفيع المستحيلات يلا بقى خلص الموضوع ده لأنه المستحيل بعينه وصاحب الارض عايز فلوسه خلال اسبوع وفى البيت عندى 20000 الف بس

ولما كنت بدخل المنتدى كانت عينى بتوقع على توقيع اوفا
وتوقيعها كان صورة ابونا فلتاؤس وبخط كبير شفيع المستحيلات
وكانت فعلا عينى بتوقع خلال الفتره دى دايما دايما بدون قصد

وبعدها بيومين مش اكتر جوزى يتصل بيا يقولى المبلغ ادبر منه حوالى 100 الف ففرحت وحسيت فعلا ان ابونا فلتاؤس بيشتغل معانا بالرغم انا كان كلامى معاه هزار
وفى يوم تسعه مارس وانا بصلى الصبح وبتشفع بالبابا كيرلس والبابا شنوده وابونا بيشوى كامل
قولت له معلش يا ابونا فلتاؤس لو عيدك الشهر ده كنت هتشفع بيك معاهم
وبعد كده ادخل منتدى تانى مشتركه فيه على الضهر الاقى عضو معانا باعت لى الصوره دى



كنت هطير من الفرحه ان عيد ابونا فلتاؤس الشهر ده
وحتى بعت للعضو ده و قولت له

وبعدها المبلغ كله ادبر خلال اسبوع اقول لجوزى
ازاى يقولى متشألنيش ازاى انا مش عارف ازاى
اللى ليه فلوس قديمه جابها
فلوس كان فاقد فيها الامل جات وكانت بتيجى لغاية عنده

وقبل الاسبوع الفلوس كانت متجمعه كلها وجوزى مضى عقد ابتدائى ليلة عيد نياحة ابونا فلتاؤس والبابا شنوده والغريب برضه ان الراجل بسهوله تنازل عن جزء من المبلغ ودفعنا 127000بس ويوم الخميس 19 مارس عمل توكيل للمحامى ومضوا العقد الرسمى وهيرفع قضية صحةتوقيع وتنفيذ باين مش عارفه الاسم بالظبط

المهم ربنا عمل معانا معجزه مستحيله بشفاعة ابونا فلتاؤس السريانى وابونا اسطفانوس
بركة صلواتهم تكون معنا امين

رووووووووعه معجزه فعلا
هو فعلا شفيع المستحيلات
بركة صلواته تشملنا جميعا
الفيلم بتاعه لسه خلصنا على قناه ستى فى دلوقتى حالا

[ماريا تى ثيؤتوكوس]

منورنا استاذ مرقس وطمعانين
فى بيتين شعر للأجتماع المره الجايه

[ماريا تى ثيؤتوكوس]

انا كمان كنت لسه بسمع الفيلم بتاعه دلوقتى
تصدقى اول مره اسمعه

[ماريا تى ثيؤتوكوس]

ربنا معاكى رونيا حبيبتى

[اوفا]

[quote=ماريا تى ثيؤتوكوس;915141]شوفتى يا اوفا مش قولتلك لازم تسمعى معجزتى
علشان انت سبب كمان فيها
وانت شدتينى لأبونا فلتاؤس وبقيت اركز معاه اكتر بسببك [/quo

هو يا ماريا عاوز يعرفك عليه بطريقته صدقينى
انا بحبه جداااا جداااا هو وامنا ايرينى
يا ما طلبته واستجاب بقوة ربنا صدقينى بس نشكر ربنا ان مشكلتكم ا اتحلت متنسيش الحلاوة بقى

[كاتى]

تعرفى انا حضراه كام مره دلوقتى مش هتصدقى
وصدقينى كل مره احضره فيها بحس انى اول مره اشوفه
بجد روعه حته قصه حياته جميله اوى بجد
انا عندى اصلا على الجهاز كل شويه اشوف فيلمه

[nasser]

اتفضلى يا رونيا
ربنا معاكى