اجتماع طابيثا | للصلاة والترنيم والتأملات الروحية للخدام والخادمات ( كنيسة الفرح المسيحى )

[بنت معلم الاجيال]

مساء الخير

اهلا بيكم في اجتماعنا الجميل

و احب اقدم لكم معجزة جميلة

لمثلث الرحمات قداسة البابا شنودة الثالث

و اتمني تنال اعجابكم و بركة صلاة قداسة البابا تكون مع الجميع امين

[بنت معلم الاجيال]

الشخص الغريب الذى ركب عربية البابا

معجزة جميلة اوى لقداسة البابا شنودة الثالث فى يوم من الايام وكان قداستة يذهب الى دير الانبا بيشوى فى وادى النطرون فى ساعة مرورة ومجيئة فى هذا المكان مر علية شخص واوقف سائق سيارة البابا لكى يعرف ماذا يريد هذا الشخص الغريب الذى يقف امام السيارة مع سرعتها وعندما وقف سائق السيارة ليرى ماذا بهذا الشخص فقال لة السائق ماذا تريد انت متعرفش دى عربية مين ؟ فقال لة مين ؟ فقال السائق دا قداسة البابا شنودة فقالة لة ماشى يا عم اية يعنى نشوفة وناخذ بركتة فراى قداستة واخذ بركتة وقال لة ياريت ياسيدنا توصلنى للبر او (المدينة )اللى نمشى فية علشان المسافة بين البر دة والدير كبيرة ومش هقدر امشيها فقال قداستة للسواق تعالا نوصل الرجل دة للمكان اللى هو عايزة وفى هذة اللحظات بين الدير و البر الذى يردية الراجل بدا يتكلم مع قداسة البابا فى امور كثيرة لا نعرفها ونزل هذا الشخص عندما وصل الى المكان الذى يريدة فقال قداستة للسواق يلا نرجع الدير تانى وعندما رجع السواق الى الدير مرة اخرى فقال قداستة للسواق فى الدير انا عايزك تقفل العربية دى كويس اوى وتغطيها علشان العريبة اللى يركب فيها رب المجد محدش يركب فيها تانى ؟فاستغرب السواق وقال السواق حاضر يا سيدنا !!

[nasser]

شفاعة البابا القديس تكون مع جميعنا
معجزة فريدة يا رونيا
ربنا يبارك حياتك

[بنت معلم الاجيال]

ميرسي يا ناصر ربنا يعوض تعبك

[ماريا تى ثيؤتوكوس]

فعلا روعه اوى يا رونيا المعجزه وقويه كمان
بركة قداسة البابا تكون معانا امين

[اوفا]

شكرا رونيا

[ماريا تى ثيؤتوكوس]

انا هقدم معجزه حصلت معايا فعلا
مع ابونا فلتاؤس السريانى
اللى عرفته من اسبوعين بس

[ماريا تى ثيؤتوكوس]

سلام ونعمه للجميع
من حوالى اسبوعين جاتنى صوره هديه
لأبونا فلتاؤس وكنت اول مره
اشوف صورته او اركز فيها تملى بشوفها بس بدون تركيز شكله جميل وله بسمه هاديه ومليان سلام

بعدها بفتره جوزى هو ونازل من عربيته لقى تحت رجله صوره لابونا فلتاؤس فأخدها وحطها فى المدخل تحت لانها كلها تراب ومش نضيفه فأبنى طلعها الشقه وادهانى فأخدتها ونضفتها واول حاجه جات عليه عينيا وانا بنضفها شفيع المستحيلات
وكان جووزى عايز حتة ارض يعمل عليها مشروع وكان تمن الارض 140000 جنيه وهو مش معاه سيوله فلوسه فى السوق اغلبها
وشهادات الاستثمار لسه متجدده مش هينفع نسحب منها
فقولت يهزار كده لما انت شفيع المستحيلات يلا بقى خلص الموضوع ده لأنه المستحيل بعينه وصاحب الارض عايز فلوسه خلال اسبوع وفى البيت عندى 20000 الف بس

ولما كنت بدخل المنتدى كانت عينى بتوقع على توقيع اوفا
وتوقيعها كان صورة ابونا فلتاؤس وبخط كبير شفيع المستحيلات
وكانت فعلا عينى بتوقع خلال الفتره دى دايما دايما بدون قصد

وبعدها بيومين مش اكتر جوزى يتصل بيا يقولى المبلغ ادبر منه حوالى 100 الف ففرحت وحسيت فعلا ان ابونا فلتاؤس بيشتغل معانا بالرغم انا كان كلامى معاه هزار
وفى يوم تسعه مارس وانا بصلى الصبح وبتشفع بالبابا كيرلس والبابا شنوده وابونا بيشوى كامل
قولت له معلش يا ابونا فلتاؤس لو عيدك الشهر ده كنت هتشفع بيك معاهم
وبعد كده ادخل منتدى تانى مشتركه فيه على الضهر الاقى عضو معانا باعت لى الصوره دى



كنت هطير من الفرحه ان عيد ابونا فلتاؤس الشهر ده
وحتى بعت للعضو ده و قولت له

وبعدها المبلغ كله ادبر خلال اسبوع اقول لجوزى
ازاى يقولى متشألنيش ازاى انا مش عارف ازاى
اللى ليه فلوس قديمه جابها
فلوس كان فاقد فيها الامل جات وكانت بتيجى لغاية عنده

وقبل الاسبوع الفلوس كانت متجمعه كلها وجوزى مضى عقد ابتدائى ليلة عيد نياحة ابونا فلتاؤس والبابا شنوده والغريب برضه ان الراجل بسهوله تنازل عن جزء من المبلغ ودفعنا 127000بس ويوم الخميس 19 مارس عمل توكيل للمحامى ومضوا العقد الرسمى وهيرفع قضية صحةتوقيع وتنفيذ باين مش عارفه الاسم بالظبط

المهم ربنا عمل معانا معجزه مستحيله بشفاعة ابونا فلتاؤس السريانى وابونا اسطفانوس
بركة صلواتهم تكون معنا امين

[nasser]

والآن مع فقرة ماريا
(حكايتى مع أبونا فلتاؤس)

[بنت معلم الاجيال]

ميرسي يا ماريا ربنا يبارك خدمتك