اجتماع طابيثا | للصلاة والترنيم والتأملات الروحية للخدام والخادمات ( كنيسة الفرح المسيحى )

[sama smsma]

ان اجتمع اثنين او ثلاثة باسمى فهناك اكون فى وسطهم
باسم الاب والابن والروح القدس اله واحد امين

[nasser]

طبعاً محدش هايبتدى إلا لما أنا أقول تفضل علشان النظام
لو فى حد له فقرة ينزلها ولم يحضر الفقرة هاتتلغى والبرنامج هايبقى مستمر

[بنت معلم الاجيال]

انا موجودة و في انتظار البداية

[ماريا تى ثيؤتوكوس]

سلام ونعمه على كل اللى هنا

[اوفا]

مساء الخير وانا كمان موجودة

[nasser]

كويس خالص أنا شايف معانا ناس كتير
هانبتدى
اتفضل يا أستاذ رامز

[Ramez5]

يا الله إله السلام القادر على كل شئ
نطلب منك ان تبارك أجتماعنا هذا لأجل مجد أسمك القدوس
مد يدك وساعدنا أن نكون بشارة مفرحة للجميع من خلال تعاليمك المقدسة
نطلب منك ان تجعل هذة اللحظة الحاضرة وأنت وسطنا أن تكون سبب بركة للجميع
اجعل الخدمة فى الفرح المسيحى مكاناً لثمار الروح القدس محبة ، فرح ، سلام دائم
أجعل اجتماع طابيثا الذى اجتمعنا فية الأن يكون بداية كرازة تليق بأسمك المبارك
بارك يا رب أجتماعتنا وأعمل بروحك القدوس فى داخلنا
أمين

[Ramez5]

اجتماع طابيثا
نشكر ربنا من أجل اعداد هذا الإجتماع وان يكون على العام
ولكل من أعد هذا الإجتماع لنشارك فيه جميعاً بروح المحبة
والدعوة وجهت للجميع دون استثناء لكى نجتمع ويكون فى وسطنا الرب يسوع
لكى نخرج فى الأخر بثمار مثمرة كلها فرح ومحبة وسلام .....
ونتعلم ونستفاد ونشارك بعضنا البعض

نتابع معاً إجتماع طابيثا .....

[Ramez5]

بخصوص الكلمة الروحية حابب انى اذكر قصة جميلة هانستفاد منها جميعاً

كان فيه اب عنده طفلين
كل يوم يدي الأول جنيه يجيب اللي هو عايزة وميديش التاني حاجه
مرت سنه ومرت التانيه والراجل بيعامل الطفلين كده لحد ماكبروا وبقوا رجاله

واحد منهم قال لأبوه : يابابا انت ظلمتني واهتميت بأخويا اكتر مني
وطول عمره مرفه واللي عايزة بيطوله .. لكن انا لا

ابوه قاله انا عمري ماظلمكم وكنت بحوشلك معايا كل جنيه اتصرف علي اخوك

واداله مرة واحده مبلغ ضخم جدا وقاله ده نصيبك ياحبيبي

لو حاسس ان كل الناس بتمر بلحظات سعيده وانت لا
ده مش معناه ان ابوك ظلمك

ابوك كان مستني اليوم المناسب ويعوضك عن كل لحظة بكيت فيها

ومتقولش انه ظلم الأخ التاني انه مخدش مبلغ كبير زي اخوه
لأن هو وحده عالم لو كان خد المبلغ ده كان هيصرفه في ايه .. كان ممكن يصرفه علي هلاكه

بإختصار كل لحظة انت بتعيشها حتي لو مكنتش بتساوي عندك اي شئ فهي بتساوي عند اللي خالقك كتير جدا ... عمره مايظلم ولكن احنا اللي بنتسرع وبنظلم نفسينا

انتظر الرب لأنه عادل ورحوم ويعلم نهايتك من قبل تكوينك ..

[Mina Youssef Saleb]

معلش اتاخرت عالاجتماع عقبال ما .فتحت من الموبيل
. مكنتش هحضر عشان معايا امتحان بكرا
بس جيت عشان اقلكم تصلولى معاكم و تصلوو للناس اللى معاها امتحانات