|
 |
 |
 |
|
رقم المشاركة : ( 1 )
02 - 02 - 2015, 10:57 AM
|
|||||||||
|
|||||||||
|
قال المسيح كلام كتير اووي كلام جميل لكن... مش سهل ايوه مش سهل.. كلام بيعلمنا فيه تعاليمه الساميه جدا التعاليم اللي بتقولك لو حد ضربك قوله الله يسامحك لو حد اخد حاجتك غصب عنك قوله خد ديه كمان لا مش كده وبس ده كمان بيطلب مننا نصلي عشانه ونباركه كلام جميل كلنا نعرف نقوله لكن مش كلنا نعرف نعمله ونعيشه وانا اولكوا في كل مره بضايق من حد واجي افكر في الايه اللي بتقول :" احبوا اعداءكم باركوا لاعنيكم احسنوا الى مبغضيكم ، و صلّوا لاجل الذين يسيئون اليكم و يطردونكم " عشان اطبقها واعشها بلاقي صعوبه كبيره اوي لان الطبيعي اني احب قريبي وابغض عدوي وبلاقي جوايا احساس صوته عالي بيقول انتي ضعيفه وكرامتك مالهاش قيمه عندك ولأنك مش عارفه تعملي حاجه فبتقولي كده واكيد الصوت ده موجود جوه كل حد فكر يعيش الايه ديه احب اعدائي ؟؟ وابارك اللي بيلعني؟ احسن الي مبغضيي ؟؟؟؟ واصلي للي بيسئ ليا ؟؟؟وبيطردني ايه منتهي الضعف ده واهانه الكرامه ديه ؟؟ هو في حد يقبل علي نفسه كده ؟؟؟؟ اسئله كتير اوي بتطرح نفسها وخناقه كبيره هتحصل جواك وانت بتفكر تعيش الكلام ده 1-ازاي ترد علي حد بيكنلك في قلبه كراهيه ؟ 2-تقدر تحبه ؟؟ 3-تقدر تحب او تقدم مساعده لحد لا بيحبك ولا بيحترمك وغلط فيك قبل كده ؟ 4- ممكن تيجي علي كرامتك لو حد اهانها؟ 5- لو كنت عند حد في بيته وحصل خلاف بينكوا وطردك من بيته ممكن تروحله تاني او تعتبر ماحصلش حاجه ؟ لكن قال المسيح احبوا اعدائكم باركوا لاعنيكم واحسنوا إلي مغضيكم و صلّوا لاجل الذين يسيئون اليكم و يطردونكم إذن مقاييس ووصايا الرب يسوع أعلى جداً وأسمى جداً من مقاييس البشر. احبوا أعداءكم : خلونا نعترف ان محبه الاعداء امر غريب جدا علي طبيعتنا البشريه لكن دايما بنلاقي الانتقام من اسهل الحاجات للقلب البشري مفيش دين في العالم بيوصي الناس علي انهم يحبوا اعدائهم بل بالعكس احياانا بنلاقي تحريض علي الانتقام عشان تُشفي القلوب المليانه بالغل يعني من الاخر ديه حاجه مش في قدرة الانسان العادي.. ازاي هنفذها؟؟ هو فعلا مهما حاولت ابين اني بحب عدوي اللي ممكن يكون أذاني لكن جوايا بيقول عكس كده تماما . لكن محبه الرب يسوع لما بتملا قلبنا بجد وتفيض بتساعدنا نبارك ونحسن للي بيغلطوا فينا مش بس كده لكن كمان نصلي عشانهم وده مش بيحصل غير لما بطلبه من إله المحبه واللي قبل مايوصينا بالكلام ده كان هو مثال عظيم عشان نتبع خطواته لما كان علي الصليب صلي لاجل المسئيين ليه فعلا وقال "اغفر لهم لانهم لا يعلمون ماذا يفعلون" إيه المحبه ديه اللي ممكن تخليه يقدر يصلي للناس اللي بيصلبوه وهو متألم ومجروح ؟؟. واحنا بنتأمل في الايه ديه هنلاقي نغمه تصاعديه فيها كل فعل ليه رد فعل عكسه تماما فالعداوة في القلب تُقابل بالمحبة ،والتعبير عن العداوة ديه بالفم يواجه بالبركه ،ولما بتتحول لفعل بُغض واساءة وطرد تُقابل بالاحسان والصلاة.فعلا مبادئ العالم لا تتفق تماما مع تعاليم المسيح تعاليم فريده ومميزه جدا. يمكن الكلام ده كلام شويه صعب ويقترب من المثاليه لكن هي ديه بجد تعاليم المسيح لو عايزين نعيش بحسب كلامه ونتقدس بوصاياه علينا نعمل كده ونصلي انه يساعدنا ممكن تكون إتالمت من ناس كتير اوي واتجرحت اوي وكرامتك اتهانت والكرامه عندنا اهم من اي حاجه تاني خليني النهارده اقولك تعالي بوجعك وإهانة كرامتك ديه قدام الرب يسوع وقوله انا متألم جدا وموجوع جدا وحاسس إن حقي مسلوب بس عايز اعيش كلامك. يمكن الجرح يكون قوي لكن ساعدني وإشفي جرحي وعلمني احب بجد املاني بحبك عشان افيض وعلمني اعيش المحبه الصعبه ديه المحبه العمليه اللي مش بالكلام . شوف كام واحد غلط فيك واهانك وكان سبب وجع وألم ليك او لحد قريب منك وصلي عشانه وإله المحبه هيديك النعمه انك تقدر تباركه وتصلي لأجله وتحبه وتحسن كمان اليه يقول المسيح :" احبوا اعدائكم باركوا لاعنيكم احسنوا الى مبغضيكم ، و صلّوا لاجل الذين يسيئون اليكم و يطردونكم سوسنه مكرم 
|
 |
|
العرض العادي
