وتقول أيضاً ..
تزوجت فى اجازة السنة الأولى من الكلية وأنجبت طفلة وارتفعت درجة حرارتها جداً وأخذت نزلة معوية حادة فى عمر أربعة شهور وبعد تشفع والدتى بالبابا كيرلس شفيت البنت ولكنها تأخرت فى الكلام فكنت اذهب إلى الأنبا مكاريوس فكان يقول لى: "ربنا يعمل معاها معجزة" .. وفى كل مرة كان نفس الكلام يتكرر.
فى مرة ذهبت للقديس وقلت له: "يا سيدنا صلى لها لأنى ما عنديش غيرها"، فقال لى: "هتجيبى غيرها". وفعلاً ربنا أعطانى بعد ذلك (جرجس).
قبل نياحة القديس ذهبت له فقال لى: "فين البنت المريضة" فقلت له: "لا .. دى مش مريضة. دى مش بتتكلم غير كلمات قليلة وكان وقتها عمرها ثلاث سنوات فقال لى: "إن شاء الله هتتكلم وربنا هيعمل معاها معجزة" .. وفعلاً بعدها ذهبنا إلى القاهرة وعملنا لها كشف للأذنين وعلمنا أنها تسمع الأصوات العالية فقط .. فعملت لها سماعة على حسب كلام الطبيب وبعدها بدأ الكلام يزداد وفعلاً تحقق كلام القديس بأنها ستتكلم. ونطلب من الأنبا مكاريوس أن تستغنى عن السماعة وتسمع طبيعى.
بركة وصلوات الأنبا مكاريوس تكون معنا ... آمين.
