كام مرة صحيت م النوم بشد عضلى وجع مريب لحد التنشنة فى عضلة السمانة ؟؟
واحيانا فى راحة القدم،، بيحصل دايما للناس اللى بتلعب كورة، والستات الحوامل أحيانا (( هقول العلاقة حالا ))
الشد العضلى: هو احساس بالالم، لما العضلة تلقائيا تنقبض وبقوة
بتكون مش قادر تحركها، ولا تحرك الرجل كلها اللى فيها العضلة.
الأسباب: مش معروف كل التفاصيل، ولكن بيرجعوها للعناصر بتاعتنا ، حصل عدم توازن ، ولان العناصر زى الصوديوم والبوتاسيوم والكالسيوم ( اكتر ناس معرض لنقص الكالسيوم هما الحوامل عشان البيبى بياخد غذائه منها ) مسئولة عن كهرباء الخلايا واثارة العضلة، فلما يحصل فيها لخبطة هتخلى العضلة تنقبض بقوة شديدة ومتعرفش ترجع تانى ، فتوجع جامد نتيجة لتراكم الفضلات بتاعة شغلها (( حمض اللاكتيك ))
طريقة الاسعاف بقا :
شغل العضلة التعبانه (( ايوة ماهى شغالة اصلا وبقوة )) لكن شغالة غصب عنك ، حركها انت ( هتبقى صعبة انا عارفه ) بس ده انسب حل، ولو جنبك حد ممكن يعملك مساج ليها
هتشغلها ازاى، لو هى السمانه وده الغالب هتشد القدم جامد لجوه وتفرد رجلك نفسها قوى
كمان بقا ظبط اكلك عشان تاخد كل العناصر دى فيه العناصر المعدنية موجوده اكتر فى الاكل الطازج
13 - 08 - 2014, 11:31 AM
العرض العادي
