انا الثاير
لا بيفاوض ولا يساير
انا الثاير
وخرطوش الجبان داير
بيرصد خطوتي العاشقة
ومهما اتعب ومهما اشقى
مابرجعشي مابركعشي
باقابل بالغنا نعشي
وباغزل بالجروح هالتِك
وباغزل بالجروح هالتِك
انا مشروع شهيد ليكي
ولو ممنوع اعيش بيكي
انا الثاير هاموت فيكي
وهاروي بدمي اسفلتِك
وهاروي بدمي اسفلتِك
ولو صوت الهتاف
ماكسرشي اغلالك
على دراعي بقلمي الجاف
حروف اسمي سايبهالك
مع نمرة صديق ليا
هيهتف تاني "حرية"
لحد ما صوته يحييكي
لحد ما صوته يحييكي
انا مشروع شهيد ليكي "
كلمات و الحان : أنطونيوس نبيل
عود : عمار سيد
كمان : اسلام خليفة
مشروع شهيد
غناء
د / جونى جورج
