لو حزننا لو همنا كرمش وشوشنا
لو السلام لو الامان طار من عشوشنا
نلقي السعاده كلها ويا الهنا
مع الاله اللي علي كفيه ناقشنا
+وقعت سنابلي من عيداني اتفرطت
ارضي اللي مسقيه بدموعي اتشققت
وبرحمتك ورده حياتي فتحت
ياللي معاك كل الامال اتحققت
+انا كلي ليك يا الهي ياللي خلقتني
مهما اتنسيت تهتم بيا وتعتني
بتوه كتير القاك اليك رجعتني
بجوع كتير بمحبتك شبعتني
+قلبي اللي مات فصلتله مليون كفن
والعمر فات في حزن يوم ويوم الم
يا الهي ياللي صنعتني من العدم
احييني تاني وابني كل اللي اتهدم
