بسم الاب والابن والروح القدس الاله الواحد امين
الاسم:دكتوره الهام ايليا ماهر - المطريه
تبداء معرفتى بالقديسة قبل شهر تقريبا من المعجزه عندما ابلغتنى والدتى ان هناك رحلة لزيارة قديسه صغيره فى السن اسمها مهرائيل بكنيسة الجيزة وفعلا ذهبنا كلنا وكان يوم من اجمل مايكون وشعرت فيه بروحانية كبيرة جدا بالذات اثناء زفة القديسه وكانها حاضرة فعلا وكان فرح عظيم، وحكى لنا قدس ابونا يوسف معجزات قامت بها القديسة واشترينا كتاب معجزات وصور كبيرة للقديسه.
وبعدها باسبوع كنت فى حالة سيئة واضطراب شديد لانى ادرس دراسات عليا فى الطب. وامتحانى بعد فترة قصيرة مع مسؤليات البيت واطفالى صغار كنت يائسه ومشتته وخايفه وفى وقتها احسست برغبة قوية فى الاتصال بابونا يوسف بالذات وكانت اول مره وفعلا حكى ابونا لنا بعض معجزات للقديسة مع دكتوره لها نفس ظروفى وعمل القديسه معها وبعد المكالمة احسست برغبة قوية فى قراءة كتاب معجزاتها الثالث الذى لم اقراءه سابقا، بالرغم من ضيق الوقت كانت لى رغبة فى قراءته كله واعادة بعض المعجزات فى لهفة كبيرة وعمق. وطلبت منها ان احس بعملها وكنت متضايقه جدا وكان فيه ورق لماده مهمه جدا physiology تابع للدراسات بتاعتى مش موجود ابدا فى المكاتب لكن يتم تداوله من دكتور للثانى ولم اتمكن من الحصول عليه منذ شهرين وعرفت انه عند دكتور غير مسيحى وحاولنا الاتصال به منذ شهر وكل مره نفشل لانه فى الجيش ولايعرفنا ولايهمه اعطائى الورق لتصويره وفشلنا فى العثور عليه وهذا زاد ن المى وضيقى. فطلبت من اقديسة مهرائيل تانى يوم لمعرفتى بها "اذا كان الورق شايفه انه مهم وهايفيدنى تتصرفى بطريقتك الخاصه وتحضريه".
وفى نفس اليوم لقيت زوجى الذى يعمل لساعات متاخره ل7 مساء حضر ظهرا بدون سبب واضح واتصل ظهرا بدكتور فى مستشفى عين شمس وبلغنا اخيرا ان الورق مع زميل له فى نفس الوقت فى المستشفى وفعلا راح زوجى وصور الورق وكان عندى فى نفس اليوم اللى طلبت فيه القديسه مهرائيل شفاعتها معنا امين.
ومن يومها وانا عندى احساس دائم بوجودها وسرعة الاستجابه منها لاى طلب او ترتيب اى امر فاصبح عندى رغبة قوية لوضع كتابها امامى دائما على المكتب وصوره مبروزه لها لاشعر دائما بوجودها ولاحس بالراحه والاطمئنان.
