اروح ازور واحد في بيته اطمن عليه على اسرته شخص كبير اب وام واسرة وبعد السلامات والتحيات اسال سؤالي المعتاد اللي اي خادم او اي كاهن بيساله للاسرة طبعا كلنا عارفينه (مش بنشوف حضرتك ليه في الكنيسة) طبعا الاجابة بتنحصر في تلت اسباب مش بتخرج عنهم : -
1- انت عارف الانشغال والشغل والبيت والعيال ودوامة الحياة .
2- بصراحة بقى انا بدخل الكنيسة بحس اني داخل سوري يعني كباريه (انا اسف انا بنقل اللي بيتقال) او حوش مدرسة بنات بتهزر واولاد واقفين مع بنات وهزار حتى القداس كلام ورغي فيه انا بصراحة مش بتحمل اشوف المنظر دا .
3- انا من يوم ما الخادم الفلاني عمل كذا او في اليوم اللي ابونا عمل الموقف دا وانا نفسي وقفت من الكنيسة .
مشكلتنا يا احبائي اننا لما بنيجي ندخل الكنيسة بنتوقع انها جنة ربنا على الارض هي فعلا كدا هي الفردوس بعينه مش هنكر دا بس الكلام دا للانسان الروحاني اللي بيحب الكنيسة والجلوس على عتبة بيتك خير من الوف ، وما احب مساكنك يا رب الارباب (مزمور 84) طيب ما الكنيسة برده مستشفى للمرضى والخطاة الرب يسوع بيقول ما جئت لادعي ابرار بل خطاة الي التوبة وبعدين انت مالك ومال اللي بيرغي واللي بتهزر خليك في نفسك جاي تسمع القداس ركز في القداس متبصش هنا او هنا مالك باللي لابسة كذا واللي حاطط حزازة واللي فاتح صدره واللي لابسة ضيف خليك في نفسك ركز مع مسيحك ............ ابونا زعلك يا اخي سامح انسى تعالى واتناول واحضر القداس وملكش دعوة بيه خليك في حالك وهو في حاله مش عجبك تصرف الخادم دا تجنبه لكن تفاجئ بانه بعد خالص طبعا دي تصرفات مش مقبولة وبتقول ان الانسان دا بيتلكك علشان يبعد عن المسيح ............. ارجوكم هذا وقت تمسكنا بالكنيسة بجسد ودم المسيح (انا الكرمة الحقيقية وأبي الكرام كل غصن يثبت فيُ ياتي بثمر اكثر ( (يوحنا 15) لقد حان وقت التمسك بالكنيسة وبالمسيح فلننسى ما هو فات وننظر لما هو قدام ننظر لابديتنا وخلاصنا ونبتعد عن كل ما يشغلنا عن هدفنا الوحيد (ملكوت السموات)
03 - 09 - 2013, 04:29 PM
رد: (ملكوت السموات)
العرض العادي
