| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
02 - 09 - 2013, 09:34 AM
|
||||
|
||||
 قصيدة قصة يوم ( عن يوم نياحة قداسة البابا شنودة الثالث ) بابا شنودة يا قلب حنين دايما حانى لكل الناس بحبك لينا دايما بتبين الحب اللى مليان اخلاص فجاة انا بكتب حسيت بالنوم اكنى منمتش من كام يوم سبت المكتب وقولت انا اقوم اناملى شوية واكمل لما اقوم فى سريرى قعدت وكمان فكرت سايبنى ازاى فى مشاكل وهموم فى نومى انا رحت وبرضوا حلمت ومعايا راح احكى قصة يوم غالى عليا يا بابا شنودة فراقك صعب بس اعمل ايه صورتك فى قلبى دايما موجودة كل ماتوحشنى احط ايدى عليه اسمع نبض بينبض اسمك مع كل دقة من دقاته شنودة شنودة الصوت يعلى ويقول عيش زى حياته وفجاة الاقى النبض يخف والكلمة بتبقى طالعة حروف وملايكة فى كل حرف تزف حبيبى الغالى من جوة الجوف سمعت ملاك قال كلمات لما قلبى نبض حرف الشين قال الشين شمعة وقايدة محبة عظيمة شافوها ملايين مع كل الظلم حب اكيد شيطان بيوسوس وضيقات لسنين وف الامتكوا شمعة تقيد ماهو اثناسيوس قرنه العشرين قاسئ وشاف مر كتير ومع ده كله كله للخير محبة عظيمة بحر كبير عمره مايخلص ده فى حبه سفير وملاك تانى صوته حنون بعد ماقلبى نبض حرف النون قال انشودة بلحن شجون للبابا شنودة دا اب حنون اب حنون دايما لولاده راعئ شعبه كل حياته وقال جالنا رجع لسماته اصله امين كان على وزناته اداله الهنا كتير وكتير وقاله ادخل لفرح سيدك بحر كبير حب غزير وفرحت خلاص ويا حبيبك وملاك تالت سامع صوته مع حرف الواو وبيحكى فى سيرته قال دا ملاك عاش انسان ويحكى وانا اسمع منه حكايته قال الحب عاشه فى قلبه لكل الناس كان بيجيبه وطنه وشعبه الكل حبايبه يشفع فيهم عند حبيبه وصمته رهيب برضوا يجيب الف حلول فى اشد ظروف كلامه فى صمته اقوى كتير من اى مشاكل تسبب خوف مسيرها تنتهى عاشت علمه كله للخير كاتبها بقلمه ربنا موجود فى ضيقاته والمه واصبح عنده يتهنى بنعمه ونبض قلبى حرف الدال فى لمحة ملاك جانى فى الحال قال عنه كلام وانا كانلى سؤال ازاى يعنى ليه فـ كل مجال قال مثقف اسقف فى الخير ساعى صحفى وراهب بطرك راعى شاعر اديب دايما واعى وطنى لوطنه علطول داعى يدعى لربه يبارك مصر واهو بقى جنبه ساكن قصر قصر هو بناه باعماله فى الدنيا مكنش ليه ولا قصر على جاه العالم كان بيدوس وفـ كل حياته يدى دروس اه دروس حبه الملموس مش فى قصور بتاكلها السوس وهنا لقيت قلبى هاينبض قولت خلاص حرف الهـ لقيت ملاك لابس ابيض وجنبه حبيبى علشانى جه جانى وقالى مالك زعلان بتفكر ليه وقاعد حيران علشان اسمى حروفه هاتخلص طاب دا فـ قلبك هايكونلى مكان وقالى كمان احلى كلام وادانى هدية وايه كمان قالى احفظها فـ قلبك دايما وانا هابقى معاك زى زمان قلت يا ابويا واحشنى فراقك هاقعد ابكى عليك لسنين دا انت حبيبى وابويا حياتك من غيرك هابقى يتيم وحزين قالى يا واد بتدلع ليه انا وياك دايما مش سايبك فى الدنياانا كنت واقف جنك دلوقتى خلاص ساكن قلبك اتشفع ليك ولكل ولادى قدام حبيبى الهى الفادى ولا يمكن انسى كمان بلادى دى ليها حبى وفوادى دا انتوا حبايبى ونبض قلبى انساكوا ازاى امسح دموعك لو نبضك خَلص حروف اسمى نبضى ماينسى كل همومك والملاك قال يالا يا بابا فوق فى السماء عاملينلك زفة اخده فى ايده ولفوق طلعوا وبضحكة رقيقة مسحلى الدمعة وسمعت صوته يقول وحياتى اوعى تبكى انا وياك فى السما هابقى شفيع انا ليك وعند يسوع هاشفع فيك هنا لقيت نبضى بيرجع ويسرع زى ما كان فى الاول ويدق الدقة اكنه بيركع يدى ميطانية للبابا الامثل وسمعت الكلمة بابا شنودة نبض بينبض دقات مش معدودة قلت يا قلبى هاتفضل دايما تنبض اسم البابا شنودة وصحيت من نومى وانا فرحان ناسى همومى وكل اللآم رحت لقلمى كتبت كلام انا طبعا قولته وحكيته كمان بحبك بحبك بحبك يا احلى انشودة ادهانى ربى هدية من عنده علطول جوايا مش مفقودة بحبك بحبك بحبك يا بابا شنودة اذكرونى فى صلواتكم / ابرام القس بنيامين 
|
|
#2
02 - 09 - 2013, 09:47 AM
|
||||
|
||||
|
بحبك بحبك بحبك يا بابا شنودة
روووووووووووعة ابرام ربنا يباركك
|
|
#3
02 - 09 - 2013, 09:48 AM
|
||||
|
||||
|
ميرسى امال ربنا يباركك
|
|
#4
02 - 09 - 2013, 09:49 AM
|
||||
|
||||
|
كلمات جميلة جداً ربنا يبارك موهبتك وينميها دائماً
|
|
#5
02 - 09 - 2013, 09:50 AM
|
||||
|
||||
|
ميرسى استاذ رامز ربنا يباركك
|
|
#6
02 - 09 - 2013, 09:52 AM
|
|||
|
|||
|
كلمات عذبة وجميلة ومجهود تشكر عليه.
|
|
#7
02 - 09 - 2013, 09:53 AM
|
||||
|
||||
|
ميرسى استاذ مرقس
يشرفى حضرتك تقول كده
|
|
#8
02 - 09 - 2013, 10:01 AM
|
||||
|
||||
|
اية الرووووووووووووعة دى يا بارام جميلة جدا جدا ربنا يفرح قلبك دايما يارب
|
|
#9
02 - 09 - 2013, 10:02 AM
|
||||
|
||||
|
ميرسى ليكى كتير
|
|
#10
02 - 09 - 2013, 10:05 AM
|
||||
|
||||
|
جميلة اوى اوى
بركة البابا شنودة تكون دايما معاك
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| مديح لمثلث الرحمات البابا شنودة الثالث من تاليفى | abraam | قسم المواهب المسيحية | 27 | 11 - 03 - 2019 06:01 PM |
| قصيدة أحقا كان لى أم - البابا شنودة الثالث | magdy-f | الترانيم المسموعة | 2 | 10 - 07 - 2015 04:32 PM |
| قصيدة من أشعار قداسة البابا شنودة .. وأب أنت | نونا بنت البابا | فيديوهات البابا شنودة الثالث | 4 | 17 - 12 - 2012 12:52 PM |
| قصيدة (أب أنت) لقداسة البابا شنودة الثالث | كوجى عزت | فيديوهات البابا شنودة الثالث | 3 | 28 - 08 - 2012 03:49 PM |
| قصيدة عن الامومة لحبيبنا البابا شنودة | حنان بنت المسيح | كنوز البابا شنودة الثالث | 0 | 02 - 06 - 2012 08:52 AM |
العرض العادي
