هتشترى شبكتك الماظ ؟؟.. يبقى لازم تدخلى هناا

[Marina Greiss]

طبعا فيه كتييييييييير بداوا يتجهوا انهم يجيبوا المااظ لانه قيم و شيك جداا فى نفس الوقت

فانا حبيت اساعدكم عشان لما تجوا تشتروا

لان فيه كتير بيروحوا يشتروا و هما مش عارفين اى حاجة

بس لازم قبل ما تروحى و تجيبى يبقى فى دماغك نقط معينة مهمة جدا عارفاها و هيا ديه اللى هنتكلم عنها

1- الميزانية

يعنى قبل ما تروحى لازم تبقى مقررة ميزانيتك ايه ؟؟
ناوية تجيبى كله الماظ و لا هتجيبى الماظ و دهب ؟؟
طيب هتجيبى توينز بس و لا خاتم بس و لا محبس

التوينز بيبقى خاتمين جمب بعض و الخاتم التانى بيبقى فيه فص زى كده



الخاتم بيبقى عبارة عن خاتم و فيه فص الماظ رئيسى زى كده




و المحبس بيبقى فصوص جمب بعض من غير فص رئيسى







انا عن نفسى بفضل تجيبى خاتم او محبس التوينز الصراحة انتشروا بشكل رهيييب بجد و بتبقى خاايفة قووى و انتى لابساهم ليحصل اى حاجة لقدر الله
الخاتم او المحبس بقوا اشييك جداا و فيه الغالى و الرخييص يعنى من اول 6 الاف تقدرى تجيبى محبس كويس بس الخاتم هيبقى اغلى شوية عشان الفص الكامل الى بيبقى فيه
و هنتكلم بيبقى غالى ليه و بيبقى رخيص ليه


طيب خلاااص قررتى هتجيبى ايه ؟؟

ندخل بقى ازاى تنقى الالمااظ

لما تجى تختارى اى حاجة المااظ

لازم تبصى لى 5 حاجات مهممممممممممة جداااااا هنتكلم عنهم بالتفصييييييل

1-CUT طريقة القطع
2- Clarity النقاء
3-Cerat القيراط او الوزن
4- Color اللون
5- Certificate شهادة الضماان


يتبــــــــــــــــع

[Marina Greiss]

1- Cut او طريقة القطع

بصوا يا بنات هوا الحجر بيبقى جاى على هيئة مثلثة كده و بعد كده فيه انواع قطع متعارف عليها عالميا بيبدوا يقطعوا بيها الحجر الكبير و بيبقى بقى اشكال كتير

و طريقة القطع زى ما قلنا من ضمن الاربع حاجات الرئيسية اللى بنقيم بيها اى خاتم

لان كل قطع بتفرق عن التانية فى طريقة انعكاس الضوء فيها فممكن قطع يبين الالماظ قووى و شكل تانى ميبقاش بيلمع نفس اللمعة

و ديه صورة لكل الاشكاال



من اقيم الاشكال ال round اللى هوا اول واحد على الشمال و الماركيز اللى فى النص و لو عاوزة تجيبى خاتم و الاحجار بينه فيه يبقى خليكى فى ال round cut

ال princess اللى هوا مربع ده دايما بيستخدم فى الاحجار الصغيرة قووى بيحطوه دايما فى الخواتم عشان بيبقى سعره مش كبير فلو جبته حاجة كبيره بلاش تبقى princess cut ديه



2- clarity النقاء

النقاء ده برضه من اسباب ان الخاتم يبقى بيلمع قووى قووى
و هوا ده من اكتر الحاجات اللى بتغليييه
كل ما يبقى انقى و من غير اى شوائب خاالص بيبقى اغلى كتييييييير
( على فكره الشوائب ديه بتتشاف تحت الميكروسكوب مش بالعين )
بس بتبقى مكتوبة فى الضمان فلازم تسالى عنها برضه

و برضه ليها حروف كده متعارف عليها عالميا و بتتكتب فى الضمان
عشان يدل على درجة نقاء الالماظ



طبعا ال F و ال IF ده تقريبا ناادر الوجود و بيبقى بملااااايييييييييين

و بعديه بيبقى VVS

و بعد كده ال VS و ده اللى بيبقى موجود عند الجواهرجيه الكويسييين
و بيبقى حلوو جدااااااا

ال SI ده منصحش بيه حد خاااالص غير لو فصوص صغيره قووى
و لو هتجيبى فصوص صغيره درجة نقاءها SI هتبقى مش حلووة
( و على فكره فيه حاجات من اللى داماس بيعمل عليها سيل بتبقى SI و بيستغل ان الناس مش فاهمه حاجة)

[Marina Greiss]

3- Cerat القيراط او الوزن

برضه ده من ضمن ال4 حاجات الرئيسية
و طبعا كل ما الحجر يبقى كبير بيبقى اغلى كتيييييييير

يعنى مثلا ليه التوينز بيبقى غالى ؟
عشان بيبقى خاتم فيه الماظ صغير جمب بعض
و التانى بيبقى فيه الماظيه لوحدها فى النص


و ده الاوزان المتعارفة عليها القيراط ده الوزن اللى بيوزنوا على اساسه
مثلا يقولك 0.5 قيراط ( نص قيراط)
او 0.25 قيراط ( ربع قيراط )
و هكذاا ..


و كل ما الحجر يتقطع اصغر كل ما سعره يقل

مثلا لو دلوقتى فيه خاتم فيه فص الماظ واحد بس وزنة 1 قيراط
هيبقى ب 40 الف مثلا ( انا بقول مثلا مش عارفة بالظبط)

لكن لو جبتى خاتم تانى فيه 10 فصوص صغيرين الواحد منهم 0,10 قيراط
يعنى كلهم وزنه قيراط هيبقى بحوالى 10 الاف

زى ما بيحصل للتوينز بتجيبى التوينز من غير فص فى النص
و بعد كده يبدا يقولك عاوزة تحطى فص وزنه قد ايه جوه
عشان كده التوينز بيبقى دايما غالى

4- color

احنا كده اتكلمنا عن 3 حاجات فاضل اخر حااجة و هيا اللون
كل ما يبقى الحجر شفااف كل ما يبقى اغلى طبعا
عشان برضه انعكاس الضوء عليه بيبقى شدييد جداا

و برضه فيه جدول متعارف عليه عالميا عشان يوضح درجة اللون



ال F D E ده يعتبر من اندر الالماظ فى العالم و بيبقى غاالى جداا

ال G بيقى حلو بس برضه بيبقى غالى

ال H بعده عالطول و ده تقريبا اللى بيبقى موجود عند اغلبيه الجواهرجيه الكويسييين

ال I-J برضه كويسين بس لونهم مايل للبياض اكتر

الحروف اللى بعد كده كلها بتبقى مايلة للصفاار و ده بيبقى وحش جداا زى الصوورة اللى فووق

5- certificate

مفيش الماااظ بيتبااع من غير شهادة ضمان !

شهادة الضمان ديه بقى اللى بيبقى مكتوب فيها ال 4 حاجات اللى فوق دول
CUT- Clarity- cerat-color

و ديه اهم ما يثبت ان الالماظ اللى معاكى ده اصلى و مش مضروب

يعنى بالملخص كده يا بناات الموضوع نسبة و تناسب
مكن تصغرى فى حجم الفصوص و تجيبى نقاء معقول و كت كويسة بسعر كويس
ممكن تعلى شوية و تجيبى فصووص اكبر و انقى باغلى
ممكن تجيبى فصوص صغيرة و نقاء معقول ولون معقولة هتبقى ارخص و ارخص

بس زى ما قلتلك حاولى تجيبى حجر حتى لو صغير ميبقااش صغييير قووى عشان لما يتتباع

نقطة انه بقى لما يجى يتبااع بيخسر
اللى اكتشفته بقى انه لا

لما تجى تبيعيه من جواهرجى تانى غير اللى جبتيه منه اقصى حاجة هيخسرها 15 % من التمن اللى موجود فى الفاتورة
( يعنى زى مصنعية الدهب بس!!!)
و لو جيتى تبعى من نفس الجواهرجى بعد سنه مش بيخسر تقريبا
و لو حبيبتى تبدليه من نفس الجواهرجى برضه مش بتخسرى خااالص

يعنى بالظبط زيه زى الدهب

[بنت معلم الاجيال]

ميرسي ياقمر ربنا يعوضك

[Marina Greiss]

ميرسى يامرمر على مشاركتك الجميلة

[Mary Naeem]

شكرا على المشاركة
ربنا يفرح قلبك

[Marina Greiss]

ميرسى كتيييييير على مرورك الجميل

[حمامة السلام]

موضوع مميز جدااااااااااااااااااا


تسلم الايادى

[Marina Greiss]

ميرسى ياايروو على مرورك الجميل