بتطمن يا امى لمـــا بجيلك واقعـــــــــد أحكيـــلك
عارفك سامعه صلاتى وقت ضيقاتى وانا بشكيلك
ماأنتى الملجأ ليكى بنلجأ وقت الشدة ووقت الحزن
واللى يجيلك شايل همه تشيلى عنه يا ادفـى حضن
مانهونش عليكى شايلانه فى عنيكى وبتضمينا
ولــــو لحظــــه بعدنا حضنك بيجيــــنا وبيدفينا
مدالنا اديكى والنور حواليكى ساطع فى حياتنا
ولكـــل ولادك رافعه صلاتك من اجل ضيقاتنا
مهما اوصف فيكى مش هاوفيكى يا نبع حنان
طيفــك حـــوالينا منور ليــنا فــى كــل مكـــان
وشفاعتك فينا بتخليـــنا عايشين فـــى ســـلام
و اللــى يجيلك ويصليلك تشيلــــى عنه اى الام
وفى وقت صيامك نرفع الحانك وانتى فى وسطينا
وبسرعه تجينا تهلى علينا تاخدى بأدينا وتباركينا
ياسمانا التانيه لــو كـــل ثانيه نسبحــــك ونشكرك
مــش هانوفيكــــى ولا نديكـــى اللــــى يقـــــدرك
ممدوح حسنى
