ترتيب وتنظـيم جهـاز العروسة

[Marina Greiss]

نيجى بقى لحجاتك انتى اللى هى

ميك اب اكسسورات ادوات العنايه بالبشره والشعر البرفانات

دول بقى هتجيبى البوكسات بتاعت الهدايا لو عندك خير وبركه لو مش عندك حاولى تشتريهم بجد ينفعو جدا دلوقتى وان شاء الله بعد الجواز

هتخصصى بردو كول بوكس لحاجه بوكس للميكب وبوكس للاكسسورات

طيب الشاور والشامبو والوشانات مش هتكفى فى البوكس ده هنعمل ايه ممكن نجيب اتنين باسكت خوص اوبامبو وتحطى فيهم

حاجتك وحاجه خطيبك وتلفى الباسكت ده بالتل وتعملى فيانكو بالشرايط الساتان من فوق

فى صوركتير لتزيين الجهاز بس حاسه انها مكلفه اوى لانهم مزينين كل حاجه لكن احنا هنزين الحاجات الخاصه بس

يعنى لو جيبتى متر تل ب10 جنيه وبكره ستان مش عرضه اوى بحوال 3جنيه وممكن تشترى بالمتر كمان مش هيكلفك 15 جنيه كله على بعض ومش هترميهم بعد كده هتستخدميهم فى حاجات كتير بعد كده فى تزين تسريحتك او حمامك

حاجات بسيطه زى كده

ونلفت البوكسات بردو زيها

واكيد هيتبقى مننا شرايط ستان على ايد الشنط اعملى فيانكو بسيط
مش لازم كتير زى الصوره

طيب بالنسبه للى اشترى من فتره وشالت الحاجات خلاص ومش هينفع تطلعهم وتعمل النظام ده مش مشكله بردو هقولك على طيبقه تعرفى بيها تنظمى حاجتك بسرعه يوم ما تطلعيهم علشان يروحو بيتك ان شاء الله بس المهم اللى لسه مش اشترتيه نظميه من الاول

هاتجيبى كراستك رفيقه الدرب دى

وتروحى على الاماكن اللى شاليه فيها حاجتك

وتطلعيهم يتهوو يعنى لو تحت السرير هتقلبى المراتب وتفتحى الشباك الصبح بدرى علشان ياخدو وقتهم وتكون الدنيا لسه مش تربت اوى ويشمو الشمس

وتكتب مثلا الحاجات اللى تحت سريرك فى مثلا بطانيه ومفرشين ولحاف وطقم فوط وطقمين كاسات وطقم اروكوبال مثلا

وتكونى مقسمه فى الكراسه يعنى صفحه للمفروشات

وصفحه لحاجات المطبخ

وصفحه ....... وهكذا

وكل ماتلاقى حاجه فى مكان تكتبيها فى مكانها

يعنى لقيتى لحاف اكتبى فى صفحا المفروشات

لحاف وتكتبى مواصفاته وتكتبى مكانه

يعنى لحاف روز فى ابيض فايبر تحت سريرى

بطانيه بيج فى بنى وزن 8ك تحت سرير اختى

تمام كده

لما تيجى بقى لليوم الموعود تبقى عارفه حاجتك فين وتطلعيهم بترتيب ونظام وكل جزء تطلعيه تقفليه مع بعض فى كراتين تربطيهم مع بعض زى قولنا فوق

يعنى تطلعى حاجات المطبخ تمليلهم ركن تطلعى تحطى فيه وتقفلى مع بعضهم وتركنيهم وتطلعى اللى بعده وتقفلى وهكذا

بالطريقه دى هتعرفى اللى ناقصك واللى عندك واللى زياده

وتقدرى ترتيب نفسك ومتكركبيش البيت لانك انتى اللى هترتبيه بردو لما تودى حاجتك وترجعى

هيبقى تعب عليكى وعلى اللى معاكى كمان