قصة يونان
الشخصيات: الراوي - الله – يونان – بحّار 1 – بحّار 2 – السمكة – شعب نينوى
الراوي : هل ربنا طلب منك تعمل حاجة وإنت مش عايز تعملها ؟
حصل كدا مع يونان، وهي دي قصته
الله: يا يونان. أنا عندي ليك مهمة ،عايزك تروح للمدينة العظيمة اللي
اسمها نينوى وتقول للناس اللي عايشين هناك إني حزين جدا من
اللي بيعملوه.
يونان:أنا؟ أروح لنينوى؟ أنا مش عايز أروح لنينوى
الله: روح لنينوى
يونان: أنا ممكن أهرب وأركب أي سفينة وأروح أي مكان بعيد عن نينوى
الراوي: وفعلاً ركب يونان السفينة وراح في سابع نومة جوه السفينة.
وفجأة.......
بحّار 1: يا سيدي يونان... من فضلك إصحى
يونان: في إيه؟ إيه اللي حصل؟
بحّار 1: فيه ريح شديدة، وإحنا خايفيين أن السفينة تتكسر وتغرق من
الريح والقبطان بعتني ليك عشان أطلب منك تصلي لالهك أنه
يساعدنا
(صوت الريح بيزيد)
بحّار 2 : يا يونان إحنا شاكّين إن إللي بيحصل ده بسببك انت، قول لنا إيه
الحاجة إللي إنت عملتها وخليت كل ده يحصلنا إحنا البحّارة
الغلابة
يونان: أنا رجل عبراني، و باعبد الله , لكني هربت منه ومن الحاجة إللي
كان عايزني أعملها
البحّار 1 : طب المفروض نعمل ايه؟ إحنا رمينا كل حاجة من السفينة بس برضه السفينة بتغرق، وإحنا مش عايزين نموت
يونان: ارموني في البحر
بحّار 2 : لا يا سيدي، إحنا منقدرش نعمل كده.خلينا نحاول نجدف تاني
(صوت الريح بيزيد)
بحّار 1 : مفيش فايدة، إحنا لازم نرمي يونان من السفينة..
يا إله يونان من فضلك متخليناش نموت
الراوي: ورمى البحّارة يونان في البحر وجت سمكة كبيرة وبلعته
السمكة: جلوب
( صوت الريح يهدأ )
الراوي: ولما كان يونان في بطن الحوت صلى لرينا
يونان: يا الله إلهي ... باشكرك عشان لما ابتديت اغرق طلبت منك
تساعدني، وانت سمعت صلاتي عشان كده أنا هاغنيلك أغنية
شكر وهاعمل إللي أنا وعدت بيه ... يا الله إنت الشخص إللي
بيخلص
الراوي: وسمع الله صلاة يونان وخلى السمكة الكبيرة ترميه على
الشاطيء.
ونفذ يونان وعده لربنا وراح لمدينة نينوى
(صوت مدينة زحمة)
يونان: يا شعب نينوى عندي ليكم رسالة من ربنا. بعد 40 يوم مدينتكم
هتتدمر بسبب خطاياكم
شعب نينوى: طب إحنا عايزين نتوب عن خطايانا، إحنا هانلبس هدوم
سودا ومش هناكل عشان نوري ربنا اننا توبنا ... من فضلك يا رب
ارفع غضبك
الله: خلاص أنا رحمتكم ومش هادمر مدينتكم
الراوي: لو إنت عايز تقرا وتعرف أكتر عن يونان وشعب نينوى، اقرا سفر
يونان وده موجود في العهد القديم في كتابك المقدس
