العليمي: اليوم عيد ميلاد محمد الجندي ..ولازال قاتله حر والمسئول عن قتله في الاتحادية.. ومن تستروا على قتله معززين في بيوتهم
البداية
زياد : رايحين طنطا نحيي ذكرى محمد مع أهله وأصحابه ونقول لهم إن حق محمد وكل الشهداء مش هايضيع
أشار المحامي زياد العليمي والقيادي بالحزب الديمقراطي الإجتماعي إن عيد ميلاد محمد الجندي يمر اليوم ومازال قاتله والمسئولين عن قتله دون حساب .. مضيفا انهم يتوجهون اليوم للاحتفال مع أسرة محمد في طنطا .
وقال العليمي في تدوينة كتبها على فيس بوك " النهاردة كان المفروض يبقى عيد ميلاد محمد الجندي، محمد قتله مجرمين تحت التعذيب". وأضاف إن ´وزير العدل تستر على جريمة قتله وقال إن تقرير الطب الشرعي بيقول إن محمد مات ف حادثة عربية، وبعدين رجع يقول وزير الداخلية قال لي أقول كدة." في إشارة لتصرحات لوزير العدل السابق المستشار أحمد مكي
وأضاف العليمي " الشاهد الرئيسي ف قضية محمد إتقتل.. اللي قتل محمد لسة حر.. والوزراء اللي شاركوا محاولة التستر على الجريمة معززين مكرمين في بيوتهم أو في مناصبهم.. والمسئول عن قتل محمد وغيره كتير لسة ف الاتحادية والمقطم... وأهل محمد بيفتكروا إن كان عندهم إبن كانوا المفروض يحتفلوا معاه النهاردة ببداية سنة جديدة، اتقتل وشايفين اللي قتلوه بيحكموا.
وأوضح العليمي " النهاردة رايحين طنطا نحيي ذكرى محمد مع أهله وأصحابه، ونقول لهم إن حق محمد وكل الشهداء مش هايضيع لأن بلادنا فيها كتير قوي زي محمد بيحلموا نفس الحلم وعندهم نفس الاستعداد أنهم يدفعوا التمن، ونازلين يوم 30 / 6 يجيبوا حقهم ويعدلوا النظام المقلوب"
16 - 06 - 2013, 11:22 AM
قد تكون مهتم بالمواضيع التالية ايضاً
العرض العادي
