|
 |
 |
 |
|
رقم المشاركة : ( 1 )
03 - 06 - 2013, 05:36 PM
|
|||||||||||
|
|||||||||||
|
الطريقه الصحيحه جدا لعمل الباديكير أحسن من الكوافيرات  هنبدأ من الالف للياء وبالصور طبعا اولا :_ هتجيبى طبق فى مايه سخنه الدرجه اللى تتحمليها وتدوبى فيها شويه ملح أيوه ملح متستغربيش وبعد ما يدوب تحطى شويه شامبو أو شاور مش مشكله  وتحطى رجلك فيها لغايه ما تطرى كده وتلاقيها باشت عشان تقدرى تشيلى الجلد بسهوله وتنزعيه تماما وتبقى رجلك ناعمه خاااااااااالص  ثانيا :_ هتجيبى مبرد الرجلين اللى هو ده  ده اسمه مبرد القدمين ولا تقولولى بقى حجر ولا مقشره ولا الكلام ده تجيبى الحجم الكبير زى اللى الصوره وفى الغالب مش غالى ممكن تلاقيه فى محلات 2,5 بحوالى 3 جنيه او فى الصيدليات الكبيره وممكن يكون سعره اغلى شويه بس مش هيزيد عن 10 جنيه مهما ان كان ايه المهم هتجيبى المبرد ده وتشتغلى دعك فى قدم رجليكى لما تقولى يا بس وانتى هتلاقى الجلد بيطلع معاكى اييييييييه والاخوات اللى بيستخدموا الموس فى رجليهم عايزه اقولكم انه أكبر كارثه الموس ده وهو فعلا اللى بيدمر الرجلين مع تقدم السن وهو اللى بيخلى الرجل تصل لهذه الحال المؤسفه  فأى واحده بتستخدم الموس توقفه فورا وتبدأ واحده واحده بالمبرد ده ومع الوقت هتلاقى رجليها بقيت عاديه جدا ومهما قعدتى فتره متعمليهاش عمرها ما هتوصل للحاله دى أبدا ابدا  ثالثا :_ لما تخلصى دعك رجليكى بقى هتنزلى رجلك فى الميه تانى وتشطفيها من الجلد وبعدين تطلعى رجلك اليمين مثلا الاول وتنشفيها نص تنشيفه بالفوطه وتجيبى اى كريم جليسوليد الاحمر مثلا وتحطى على وش رجلك وتاخدى منه وتوزعيه على أظافرك وهتجيبى المبرد بقى بتاع الاظافر العادى اللى هو ده  وهتجيبى بسن المبرد تفرقى بين الجلد والظافر من الجوانب والمنتصف بحيث ان الجلد الزائد يخرج عن الظافر لكى تتخلصى منه تماما وبعدين هتجيبى قصافه الجلد اللى هى دى  ودى لما تيجى تشتريها هتنقى اللى سنها رفيع عشان تكون سهله فى ايدك وتشيل الجلد بسهوله هتبدأى تشيلى الجلد بدايه من الجوانب بطريقه دائريه بمعنى من الداخل للخارج  وكده كده مش هتكون صعبه لانى الجلد بعيد عن الظافر هيطلع بسهوله جدا وبعد ما تخلصى هتبردى ظوافرك زى ما تحبى وبعدين هتجيبى فرشه القدمين اللى هى دى  برضه هتلاقيها فى محلات 2,5 المهم هتجيبها وبالراحه كده هتحطيها فى الميه وتمشيها على ظوافرك رايح جاى كده وبعدين تنشفى مكان ظوافرك بس وتدعكى رجلك بالكريم وخلاص على كده وادعيلى بقى بعدها 
|
 |
|
العرض العادي
