|
 |
 |
 |
|
رقم المشاركة : ( 1 )
09 - 04 - 2013, 07:28 PM
|
|||||||||||
|
|||||||||||
|
لما جه مكانش فيه نور
 وسبب كلامى عنها معاكوا انهارده اننا اوقات بننسى ايه هو ال core او الاساس بتاع رسالة المسيح للعالم وبنحاول ننزل المسيح لمستوانا الفكرى والبشرى العبارة ديه اتكتبت على قبر A.W.Milne , مٌرسل فى القرن العشرين لاحد القبائل الهمجية اللى بيسموهم headhunters اللى كانوا بعد ما يقتلوا اعداءهم يقطعوا راسهم ويحتفظوا بالرأس عندهم شئ بشع الراجل ده قبل ما يروح للقبيلة ديه كان راح قبله مٌرسلين كتير واتقتلوا هناك واتقطعت راسهم لكن هو قرر انه يروح بردو وعاش وسط القبيلة الهمجية ديه 35 سنة يكلمهم عن المسيح ولما مات ( وهو مات موتة عادية مش مقتول ولا حاجة ) اهل القبيلة ديه دفنوه بنفسهم وكتبوا الكلمات ديه على قبره When he came there was no light , when he left there was no darkness . معناها , لما جه مكانش فيه نور , ولما رحل مكانش فيه ضلمة الراجل ده كان بالظبط زى ماقال المسيح نور للعالم كان سبب حياة للناس حتى الاعداء , مش سبب موت تخيلوا لو الراجل ده مكانش اختار الاختيار ده كان زمان الناس دول لغاية دلوقتى يمكن, بيقتلوا الناس بالطريقة ديه ويقطعوا راسهم انا مش بوعظ انا بكلم نفسى اول واحدة , اننا بدل ما نعقد نقول العالم ضلمة العالم ظلم , العالم شر وكأننا اتفاجئنا بالحاجات ديه ؟ امال لو مكانش الرب يسوع قالنا كل حاجة من الاول عن ضيق العالم والطريق الضيق كنا عملنا ايه ؟ بدل ما نعقد نقول كده بسلبية , كل واحد فينا يحاول هو نفسه يكون نور فى الضلمة اللى مضايقاه وتاعباه ومنحاولش نحمل المسيح افكار مش بتاعته خالص , وايدولوجيات هو لم ولن يحملها ولم ولن يرضى عنها ابدا لازم نخرج المسيح بره فكر الصراعات العالمية الارضية . رجاءا ياجماعة مش عايزة الموضوع يروح فى اتجاهات سياسية او حربية ولا نحارب ولا مش نحارب , خلوا الموضوع فى اطاره عن فكر المسيح مش افكارنا احنا انما لو حد عنده اراء تانية فى الحياة اكيد هو حر , بس انا هنا عايزة اتكلم عن فكر المسيح كما هو 
|
 |
|
| قد تكون مهتم بالمواضيع التالية ايضاً |
| الموضوع |
| الحوت مكانش عقاب |
| داوود مكانش مقدم ال c.v |
| يوسف مكانش بس نجار |
| مكانس دايسون الكهربائية |
| الصلب مكانش ضعف |
العرض العادي
