اسباب التسمية

[روشا الفرفوشه]

اسباب التسمية

وادي النطرون كان في طفلين أخوات بيلعبو بالنطرون واتخانقوا فجة أبوهم و راح رامي النطرون و قال لهم وااااااادى النطرون اللي انتو بتتخانقوا عليه
الوادي الجديد لما الأخوات أتصالحوا أبوهم جابلهم نطرون جديد بس اتخانقوا تأنى فقام أبوهم مسكه و رماه وقال واااااااادى الجديد
كوبري القبة المهندس اللي بناة كان واقف علية فالسيجارة وقعت منة فقال أوبا
المطرية في بداية نشأتها كان في 3 مهندسين شغالين في مشاريع الحفر وحبوا ياخدوا راحة فواحد ببقول للتاني ما تعد يا باشمهندز علي ألكنبه راح رد عليه لا دي كنبه ناشفة رد عليه : فين يا عم ده - مطرية - أهي وزى الفل
بـورسـعـيـد كان في واحد اسمه عيد ده كان بلطجي و يحب يعمل مقالب في الناس وكان عنده برص كان يقعد يرميه ع الناس عشان بقرفهم ومكانش حد بيقدر يكلمه كله كان بيخاف منه وفي يوم جه واحد من مدينة تانية بعيدة فعيد رمى عليه البرص فده تلقائي قام قلع الشبشب وطراااااااخ على البرص فكان في راجل كبير واقف قاله انت عملت اييه يا مجنون فقاله قتلت البرص قاله يخرب بيتك دة برص عيد ومن ساعتها والمكان دة اسمه بورسعيد
الإسـكـنـدريـة كان فيه احتلال انجليزي علي شاطي مدينة وكان قائد الجيش اسمه Andria فلما واحد سأل علي المكان ده قالوا اساك (اسئل) اندرية
الإسماعـيـلـيـة كان فى خروف زمان كانت ليته بتعمل صوت فكل اللى يجي عندو يقول للتانى اسمع اللية فتسمت بقى بعد كدا اسماعيلية
المعادى عشان وهم بيعملوا الكورنيش واحد قلع هدومه ملط وحب ينط في النيل ولما سألوه إنت إتجننت في عقل أهلك قاللهم معادي يعنى إيه المشكله ؟
حــلوان علشان اتنين شباب بيعاكسوا اتنين بنات بيقولو لهم انتو بنتين حلوين فالتاني قالو لأ لازم ترفع الخبر فرجع وقال انتوا بنتان حلوان
سـوهـاج كان فى مدينة واحد عملاق صينى اسمه سو وكان لازم كل يوم ياخد اكل من الناس و فى يوم مأكلش فهاج عليهم فواحد لقى الناس بتجرى قال لهم فى ايه قالولوا (سو) هاج فسموها سوهاج

[nader samy]

هههههههههههههههههههههههههه حلوة جدااااااااااااااااا

[روشا الفرفوشه]

ميرسى على مشاركتك الجميله