نفسى انت بس اللى تحس بيا

[روشا الفرفوشه]

نفسى انت بس اللى تحس بيا
ولما أكون زعلانه ألاقى رساله منك
بتقولى فيها : أنتى كويسه !!!
وأرد عليك بإيموشن بيعبط وأقولك : آه بس واااحشنى أوووووى (

عايزاك تفهم ان حاجات صغيره اوى ممكن تفرحنى،
لو جبتلى مصاصا احتمال أقوم اتنطط وأبوسك من خدك
ولما نخرج مش لازم تودينى مطعم كبـيــر وتدفع كل اللى حيلتك
وممكن
فلوسك ما تكفيش ونغسل صحون أنا وأنت :/
كفايه تجيبلى غزل البنات
بس بشرط
تشتريلى بالونه كبيره .. ماللى بتشخشخ وفيها رز

وخايفه ما تفهمش ده كله
ولما تلاقينى طفله كبيره .. ما تحبنيش
مرعووووبه لتفتكر إنى سهله
عشان المفروض أعذبك وأخليك تدفع دم قلبك فى خروجات وفُسح
ودباديب وهدوم ،،
بس أنا سهله كده لأنى هراعى ربنا فيــك

بس عارف لو عينك زاااغت !! ولا فكرت تبص على حد
هقتلك واقطعك وارمى كل حته منك فى بير
أصلى فى الشر شرانيه

ها بقى يا محيرنى ، ناوى تبقى فاهمنى
ولا أرمى نفسى من عالسرير ..
وأنتحر !!

[Mary Naeem]

شكرا على المشاركة
ربنا يفرح قلبك

[روشا الفرفوشه]

ميرسى على مشاركتك الجميله

[morcos20]

إلى رشـا ... موضوعك جميل وحـوار فيه مشوار...ونصـائح للـزوار ...وقلبك كبير ...وبتحبى الإدخــار
ومستعدة تأكلى فى مطعم صغير ...بعيد عن التبذير. وتوفرى فى إصرار . وتخافى عليه من الأخطار
على شرط لو عيتيه زاغت شمال أو يمين ونظرت من تحت لتحت على الحلـوين حتمزقيـه بالمنشــار
وتحمرى عينيك وتبقى من الأشرار وترميه حته وراء حته وتخلصى منه ثـم تحـاولين بسرعة الإنتحـــار
موضوعك خـط أحمـــر واضـــح ليس فيــه أى هـــزار ....وإنت منحتيــــه فرصة وإثنين وبعــدين إنــذار
***
مرقس إســـكندر مقار
22/12/2012

[روشا الفرفوشه]

هههههههههههههههههههههههه
ميرسى قوى قوى على مشاركتك الجميله مرقس