|
 |
 |
 |
|
رقم المشاركة : ( 1 )
يوم أمس, 03:04 PM
|
|||||||||||
|
|||||||||||
|
شوية حاجات لازم كل أم عصبية تقف عندها لحظة… لو بتتعاملـي مع عيالك بالزعيق والعصبية وأحياناً الضرب 👇 1️⃣ أول حقيقة موجعة… الطفل اللي بيتزعقله طول الوقت من غير ما تقصدي بنعلمه ان الزعيق هو اللغة الوحيدة اللي بتجيب نتيجة. فهيكبر يزعق ويتخانق ويعلي صوته علشان الناس تسمعه. والمفاجأة؟ هيستخدم الزعيق ده ضدك ويوم ما يكبر شوية هيسيبك تزعقي وهو هقرر انه مش هيستجيب خلاص. 2️⃣ تعالي نحط نفسنا مكانه لحظة… وانتِ واقفة قدامه وشك في وشه صوتك عالي وعينك مليانة غضب جربتي تفكري هو شايف ايه؟ طفل صغير قدامه كائن ضخم غضبان مخيف من أكتر مكان كان فاكره أمانه الوحيد في الدنيا. تعرفي يعني إيه؟ يعني رعب يعني خوف يعني قلب صغير بيترجف. طب خليني أعكس الأدوار… تخيلي حد أقوى منك قرب وشه من وشك زعق بنفس الطريقة ونفس الغضب هتحسي بإيه؟ خوف؟ إهانة؟ قهر؟ وغالباً هتقولي ده أنا كنت بترعب… وده بالظبط اللي ابنك بيحسه وأكتر. 3️⃣ الضرب… خليه كلام صريح انتِ عمرك بصيتي لحجم إيدك وحجم إيده؟ هل هو فاهم فعلا انه مضغوط ولا هو طفل لسه بيتعلم الدنيا؟ الطفل اللي بيتربى على الضرب نفسه بتتكسر وبيتعود ان جسمه مباح. يا اما يكبر يقبل الإهانة ويسكت. يا اما يكبر عنيد غضبان متمرد ما بيسمعش كلام حد. وسؤال مهم اوي… بعد ما تهدي وتقعدي لوحدك بالليل ضميرك بيقولك إيه؟ مش بتحسي بالوجع؟ بالندم؟ بالكسرة؟ الخلاصة من القلب… أكتر حاجة بتكسر الطفل مش القسوة قد ما إنها جاية من أكتر شخص كان محتاجه يكون أمانه. التربية مش زعيق. مش ضرب. مش عصبية. التربية حب + وعي + صبر حتى في أصعب لحظاتك. لو انتِ عصبية انتِ محتاجة دعم مش لوم. ووعيك النهارده هو أول خطوة تنقذي بيها نفسك وابنك من وجع كبير بكرة . 
|
|
يوم أمس, 04:07 PM
|
رقم المشاركة : ( 2 ) | ||||
|
† Admin Woman †
|
رد: شوية حاجات لازم كل أم عصبية تقف عندها لحظة
موضوع مهم ربنا يباركك |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| نصيحة لكل زوجة عندها حساب على السوشيال ميديا |
| لحظة توقف عندها الزمن |
| لحظة يتوقف عندها الزمن |
| جائز فى حاجات فى حياتك بكتب عندها |
| انا شوية حاجات فوق بعض |
العرض العادي
