بالتعب تاكل خبزك

[Marina Greiss]

كان يا ما كان الدب الكبير بيحاول يعلم ابنة الصغير انه يساعده فى الشغل علشان يقدر يعتمد عليه بعد كده فكان بياخده معاه كل يوم الى الغابة علشان يشوف الشغل زى تقطيع الاخشاب اللى بيستخدموها للوقود فى البيت او جنى الثمار اللى بيعتمدواعليها فى الاكل

ولكن الدب الصغير كان يفضل اللعب عن انه يشتغل فى الحاجات دى ولا يساعد والدة وكان يجرى وراء الفراشات الملونة او يلعب مع القرود والسناجب

وفى مره كان بباه مشغول بعملة وشاف الدب الصغير عش للنحل بة الكثير من العسل فلما ذاقة عجبة جدا وقضل ياكل وياكل حتى خلص كل العسل الموجود فى العش وجرى فرحان باللى ذاقه من غير ما يقول لبباه باللى عمله

ولما رجع النحل من شغله شاف العش فاضى من العسل حزن جدا وقرر ان يتعرف على اللىسرقه علشان يعاقبة على اللى عمله وفى الغد بعض النحل مرحش للشغل علشان يعرف مين اللى عمل كده
وبعد شويه اقترب الدب الصغير بعد ما ساب بباه فى الشغل ومشى الى عش النحل وابتدا ياكل من العسل فلما شافوا النحل بيسرق العسل فضل النحل يقرصة بقرصات تلسعه فى وشه وكل جسمة فجرى الدب وهو بيعيط الى بباه فقام بباه ضربه وراح الى ملكة النحل يعتذر لها ويحاول يرضيها عن سرقة ابنه الدب الصغير

فلما قابل ملكة النحل اعتذر لها وطلب تقول العقوبة على الدب الصغير فقبلت النحلة اعتذار الدب الكبير وطلبت من الدب الصغير يزرع بعض الورود علشان تساعدهم فى انتاج المزيد من العسل فوافق الدب الصغير وفرح الدب الكبير لانة هيخلى ابنة يقوم بعمل مفيد يفيد غيره

وكان يصحى الدب الصغير بدرى يجرى على الغابة علشان يزرع الورود التى طلبتها النحلة منة طبعا مبقاش عنده وقت يطارد الفراشات ويلعب مع القرود ولكنة كان سعيدا لانة يقوم بعمل مفيد وبعد ما خلصت الايام فى زراعة الورد فرحت بة النحلة الملكة وقررت مكافاتة على عملة واديته قرص كبير من العسل نتيجة عملة ومش نتيجة السرقة ففرح بية واكلة وهو فرحان سعيدا وقررالشغل الجد علشان يجيب اللى هو عايزه مش بالسرقة