كان يا ما كان عصفورة قالت لعصفور
العصفورة :أنا ما بخرجش انت مش بتخرجنى انا عايزه اغير هوا وأرض
العصفور : تعالى نطير فوق السحاب ونروح القمر يا حبوبتى يا عصفورتى
العصفورة بس دا بعيد اوى خالص
العصفور: ولا بعيد ولا حاجة دا فركت كعب ومسكوا جناح بعض وطيران على القمر ويوم والتانى وصلوا القمر وعملوا عشة جميلة يعيشوا فيها
العصفور : تعالى نجيب عصفور قمر ونسمية عمر
وجابوا عصفور قمر وأحلى من القمر وميت قمر وسمو عمر
العصفورة ها نعمل سبوع ونعزم فيه اونكل قمر وكمان طنط نجمة
القمر والنجمة حضروا الحفلة وأحضروا هدية لعمر
القمر جابلوا مسدس ميه وطنط نجمة جبتلوا قطار سريع بيجرى ببطارية مش بالزق واكلوا من اللحم والجاتوه ووضعوا العصفور عمر على منخل والقمر يهز عمر شمال ويمين
القمر: اسمع كلام بابى العصفور وما تسمعش كلام مامى العصفورة
وبعد الحفلة وضعوا العصفور عمر فى العش وطاروا ونزلوا الارض وبعد ما نزلوا أبو عمر يضرب منقار فى منقار وزعل وبكى
العصفور: احنا نسينا عمر على القمر واء واء
العصفورة : ما تزعلش يا ابو عمر أحنا هنعمل الو للقمر والو لطنط نجمة
العصفور: الو اونكل قمر خد بالك من عمر الو طنط نجمة ربوه وغطوة وأحنا ها نيجى وها نعمل عيد ميلادة عندكم وها نجيب معانا جاتو وزبادوه ونعمل حفلة باربكيو باى باى
