صورة واية وتأمل (موسوعة كبيرة للصور على خلفية بيضاء)

[مورا مرمر]

حابة اشارك معاكم بالموضوع دا
وهو عبارة ان كل مشاركة هحط صورة على خلفية بيضاء وهحط صور غير تقليدية
صور جديدة وهي من انتاج AI بس كمان هحط اية مناسبة لكل صورة وتأمل قصير عليها.

الهدف ان الصور متاحة اللى حابب يستخدمها فى تصميماته او حتى انه يضيف الاية اللى هحطها داخل التصميم بتاعه وفى نفس الوقت ميبقاش الموضوع صور بس لكن كمان كل صورة تفكرنا بأية معينة.

وطبعا الموضوع مفتوح للاعضاء اللى حابب انه يشارك بصور بردو على خلفية بيضاء او بايات تانية على الصور اللى هنزلها

فهمتوااااااا

يلا بينا نبدأ.....

دي الصورة :



دي الاية:
وأنا درجت أفرايم ممسكا إياهم بأذرعهم، فلم يعرفوا أني شفيتهم.
سفر هوشع 11: 3

التأمل:
انا حسيت ان الاية دي لايقة اوي على الصورة وكمان بحب الاية دي جدا علشان بتوضحلى ازاى ربنا بيهتم بيا وبيشفيني ..واحيانا حتى بطرق غير مباشرة بس فى الحقيقة كل خطوة وكل خير وكل حب اتقدملى كان فى الحقيقة شفاء وحب منه ليا ..علشان فى الاية اللى بعدها بيقول كنت اجذبهم بحبال البشر وبربط المحبة و احيانا ربنا بيظهر كتير فى ناس حواليا يقدمولى من حبه.. ناس من اعضاء جسده ودي صورة بتوضح ولو لمحة بسيطة عن فرح ربنا بيا بكل مرة بمشي خطوة ناحيته وناحيه شفاءه ليا وانه ازاى بيدرجني وبيفرح بيا زي فرح الاب بطفله.

هحب اسمع تعليقكم جدا ومشاركتكم فى الصورة وفى فى الفكرة دي عموما

[Ramez5]

الفكرة جميلة طبعاً
ربنا يبارك خدمتك ..

[Mary Naeem]

رووووووووووعة
يامرمر
ربنا يفرح قلبك

[مورا مرمر]

إذا ليس الغارس شيئا ولا الساقي، بل الله الذي ينمي.
1كورنثوس 3: 7

الاية دي بتفكرني ان ربنا هو دايما مصدر كل نمو وكل نعمة فى حياتنا واحنا بردو علينا اننا نسعى
بس فى النهاية النمو بيكون بسبب ربنا مش بسببنا