قيمتك الحقيقية في مبادئك وفي قلبك وفي انك تنام كل يوم وضميرك مرتاح

[Ramez5]

أكتر حاجة بتتعب الإنسان انه يفضل طول عمره بيحاول يرضي الناس.

ده عايزك تتكلم بطريقة...وده عايزك تسكت.
وده شايفك طيب زيادة...وده شايفك قاسي.
ولو غيرت نفسك علشان تعجب حد هتلاقي حد تاني عايزك تبقى نسخة مختلفة.

ومع الوقت هتكتشف إنك بتتعب بس عمرك ما هتوصل لمرحلة كل الناس راضية عنك فيها.

ساعتها بتفهم درس مهم جداً ان قيمتك مش في رأي الناس فيك ولا في تسقيفهم ولا في قبولهم ليك.

قيمتك الحقيقية في مبادئك وفي قلبك وفي انك تنام كل يوم وضميرك مرتاح.

ارضي ربنا واشتغل على نفسك ولو غلطت صلح غلطك...
لكن متستهلكش عمرك كله وأنت بتحاول تكسب رضا ناس لان راحة القلب هتبدأ لما توقف محاولة إرضاء الجميع.

[Mary Naeem]

مشاركة جميلة جدا
ربنا يبارك حياتك