|
 |
 |
 |
|
رقم المشاركة : ( 1 )
يوم أمس, 09:47 PM
|
|||||||||||
|
|||||||||||
|
جوائز بيتنا أرز، وروافدنا سرو" (نشيد الأنشاد 1 : 17) وعارف إنك بتسأل: يعني إيه الكلمات دي؟ وإيه علاقتها بينا؟ تعال أحكي لك الحكاية ببساطة.... زمان، اللي كان يحب يبني بيت كان بيعمل السقف من الخشب. "الجوائز": هي عروق الخشب الكبيرة اللي شايلة السقف (زي كمرات البيت دلوقتي) "الروافد": هي الخشب الصغير اللي بيتحط بالعرض عشان يسند السقف ويخليه متماسك. العروسة هنا بتقول لربنا: "يا رب، البيت اللي هيجمعني بيك مش خيمة هوا هيطيرها.. ده بيت سقفه قوي جداً". طب ليه اختارت الأرز والسرو؟ الأرز: ده خشب ريحته حلوة أوي ومش بيسوس أبداً. السرو: ده شجر طويل ودايماً باصص للسما. عايزة تقول إيه؟ عايزة تقول إن علاقتنا بربنا وخدمتنا معاه هي "بيتنا الحقيقي" الأرز: هو "كلمة ربنا" اللي بتخلي حياتنا ريحتها حلوة وثابتة مهما حصل. السرو: هو "قلب الخادم" اللي دايماً باصص لفوق ومرفوع للسما. الحكاية ببساطة لينا كا خدام.. الآية دي بتقولك إن "كلنا خدام" في بيت ربنا.. بس الخدمة الحقيقية محتاجة قلب "ثابت" زي الأرز، وعين "باصة للسما" زي السرو. لما يكون ربنا هو "سقف" حياتك، وعوده بتسندك (زي الجوائز) وصلاتك بترفعك (زي الروافد).. وقتها بس بيتك هيفضل ريحته حلوة وعمره ما يقع. 
|
 |
|
| قد تكون مهتم بالمواضيع التالية ايضاً |
| الموضوع |
| ربنا عنده حلول غير متوقعة وعنده أفراح غير متوقعة وعنده قصة مابتخلصش |
| هتلاقي إيد ربنا بتسندك وتحسسك بالأمان |
| أيد ربنا اللى بتسندك |
| أيد ربنا اللى بتسندك وتطبطب عليك |
| أيد ربنا اللى بتسندك وتطبطب عليك |
العرض العادي
