|
 |
 |
 |
|
رقم المشاركة : ( 1 )
03 - 02 - 2026, 01:02 AM
|
|||||||||||
|
|||||||||||
|
"لاَ تَظُنُّوا أَنِّي جِئْتُ لأُلْقِيَ سَلاَمًا عَلَى الأَرْضِ. مَا جِئْتُ لأُلْقِيَ سَلاَمًا بَلْ سَيْفًا." (متى 10: 34) تعالي نشوف إيه حكاية الآية دي وتفسيرها 👇🏻 إيه ده؟ هو ربنا بيقول سيف؟ أيوه، بس تعال نفكر سوا، هو إحنا فاهمينها إزاي؟ لو افتكرنا إنه سيف حرب، يبقى بنغلط في حق "ملك السلام" لكن "السيف" هنا هو (القرار القاطع) عارف لما تقول "أنا قطعت في الموضوع ده"؟ أهو ده السيف اللي بيفصل بين سكة ربنا وسكة الدنيا. تخيل واحد قلبه ولع بحب ربنا وعايز يعيش مع ربنا ورايح يترهبن مثلاً ، ويعيش مع ربنا بجد، بس البيت عنده مش موافقين، أو بيحاولوا يمنعوه بكل الطرق. هنا بيحصل إيه؟ بيحصل "سيف"! يعني انقسام وجع ووجع قلب، كأن فيه سيف قطع العلاقة دي. ربنا بيقولنا: "أنا عارف إن كلامي وسكتي ساعات بتخلي الشخص يبعد عن أهله أو يضطر ياخد موقف صعب عشان يفضل متمسك بيا". يعني ربنا مش هو اللي بيشيل السيف يضرب بيه، لكن "التمسك بالحق" هو اللي بيخلي الناس القريبة منك هي اللي تشهر السيف في وشك. فالسيف هنا معناه إن طريق ربنا فيه "تضحية" غالية، وساعات التضحية دي بتكون إنك تستحمل قسوة أو بعد أقرب الناس ليك عشان خاطر محبتك لربنا. حاجة تاني: تخيل لو أنت شغال في مكان كله بيسرق، وأنت قررت تبقى "أمين" وما تمدش إيدك. تفتكر زمايلك هيسيبوك في حالك؟ أكيد لأ، هتبدأ المشاكل والخناقات. أهو ده "السيف" اللي ربنا بيتكلم عنه! ربنا بيقولك: "يا حبيبي، ما تفتكرش إنك لما تمشي ورايا الدنيا هتبقى هادية وسلام" لأ، كلامي هيعمل "فرز" في الناس اللي حوليك. أمانتك هتبقى زي "السيف" اللي بيوجع ضمير اللي بيغلط، فهيبدأوا يضايقوك ويعادوك. يعني السيف ده مش سلاح في إيدك، ده "نتيجة" إنك اخترت النور وسط الضلمة. ربنا بيبسطها لك وبيقولك: "خليك مستعد، لأنك لو اخترتني، العالم مش هيسيبك في سلام، لأن الحق دايماً بيفصل بين اللي بيحبه وبين اللي بيهرب منه". طب يعني إيه سلاماً؟ المقصود هنا "الطبطبة" على الغلط عشان المركب تمشي. ربنا مش عايز سلام "مزيف" قايم على إننا نغمض عينينا عن الحقيقة. الدنيا. 
|
 |
|
العرض العادي
