الملكة (جدة الملك بيلشاصر)

[walaa farouk]

حكايتنا النهاردة عن الملكة (جدة الملك بيلشاصر)
تعالوا نعرف إزاي الست دي كانت هي
"طوق النجاة"
وهي اللي فكرت المملكة كلها برجل الله.
كلنا عارفين الليلة الصعبة اللي مر بيها الملك بيلشاصر،
لما عمل حفلة كبيرة واستخدم أواني بيت ربنا،
وفجأة ظهرت صوابع إيد بتكتب على الحيطة كلام غريب.
وأحنا عملنا عليها بوست من كام يوم ممكن تراجعوه..
المهم الملك ركبه خبطت في بعض وكل حكماء بابل وقفوا مذهولين ومش فاهمين حاجة.
وفي قمة الرعب ده،
دخلت "الملكة" بيت الوليمة،
وبدل ما تصرخ مع اللي بيصرخوا، كانت هي مصدر الطمأنينة:👇🏻
"فَأَجَابَتِ الْمَلِكَةُ وَقَالَتْ: أَيُّهَا الْمَلِكُ، عِشْ إِلَى الأَبَدِ! لاَ تُفَزِّعْكَ أَفْكَارُكَ وَلاَ تَتَغَيَّرْ هَيْئَتُكَ"
(دانيال 5: 10)
تخيلوا "الملكة" دي، اللي شافت وعاصرت عظمة الملك نبوخذنصر،
كانت هي الوحيدة اللي شايلة في ذاكرتها
"الكنز الحقيقي"
في الوقت اللي الكل نسي فيه دانيال النبي وركنوه على الرف
، هي كانت عارفة قيمته كويس وقالت للملك:👇🏻
"يُوجَدُ فِي مَمْلَكَتِكَ رَجُلٌ فِيهِ رُوحُ الآلِهَةِ الْقُدُّوسِينَ،
وَفِي أَيَّامِ أَبِيكَ وُجِدَتْ فِيهِ نَيِّرَةٌ وَفِطْنَةٌ وَحِكْمَةٌ"
(دانيال 5: 11)
الملكة ما كانتش مجرد ضيفة في القصر،
دي كانت "صاحبة بصيرة"
هي اللي وجهت الملك للشخص الصح،
وذكرته إن الحل مش عند المنجمين
ولا السحرة،
لكن عند الراجل اللي ربنا مديله فهم لكل الألغاز.
وبفضل كلامها وتشجيعها، دانيال جه وفسر الكتابة،
الست دي كانت الجسر اللي وصل بين الملك المرعوب وبين كلمة ربنا الصادقة.
طيب نتعلم إيه من "الملكة"🤔
1/ خليك "ذاكرة" للحق:
في وقت الأزمات، الناس بتنسى ربنا وبتنسى وعوده.
خليك أنت الشخص اللي بيذكر الناس بإن ربنا موجود وعنده الحل،
زي ما الملكة فكرت بيلشاصر بدانيال.
2/ الطمأنينة "عدوى" حلوة:
في وسط خوف المملكة كلها، الملكة دخلت بهدوء وثبات.
اتعلم إن وجودك في حياة الناس المكسورة لازم يكون مصدر سلام وقوة،
مش زيادة في القلق.
3/ قيمتك في حكمتك
الملكة ما لفتتش الأنظار بجمالها أو لبسها،
لكن بحكمتها وكلامها الموزون.
اتعلم إن أجمل حاجة تقدمها للي حوليك هي كلمة "فطنة"
تخرجهم من حيرتهم

[الوردة الذهبية]

سلمت يداك سلم ابداعك تحياتي لك