|
 |
 |
 |
|
رقم المشاركة : ( 1 )
13 - 01 - 2026, 11:12 AM
|
|||||||||||
|
|||||||||||
|
اتصرف يااااااارب 😫😫 اتنصب عليها ونامت فى الشارع .. كانت بتبيع وجبات على باب مدرسه ثانوى خاصه.. الست نعمه ارمله وعندها اربع عيال ، رزقها الوحيد انها تعمل سندوتشات وتقف تبيعهم على باب المدرسه ... وفى الاجازه تبيع دره مشوى على الكورنيش .. فى يوم صاحب البيت جالها وقالها الشقه دى صغيره عليكى ازاى انتى وعيالك الاربعه تقعدى فى شقه ٥٠ متر ودور ارضى ، تعالى اديلك الشقه اللى فوق واعملك عقد ايجار بيها .. الست فرحت جدا طبعا وفضلت تدعيله للصبح .. صاحبنا بقى شغل دماغه عليها خد منها عقد الايجار القديم بتاع الشقه اللى فيها وعملها عقد جديد سنوى بالشقه اللى فوق .. عدت سنه وجالها قالها عقدك انتهى .. قالتله ازاى هو مش المفروض دايم زى اللى تحت .. ضحك وقالها لا خلاص مافيش منه ده .. عقد خلص ولو هاتجددى الايجار هايزيد .. طبعا هى مش معاها تدفع الايجار الجديد .. خلص الشهر، واترمت فى الشارع هى وعيالها .. بس كانت دايما تقول لعيالها ما ضاقات الا مافرجت ، ربنا مايعملش حاجه وحشه ابدا ، كله للخير ، وكان عندها سلام نفسى عجيب جدا .. عيل من عيالها قالها ، يا امى احنا هنام فى الشارع عاوزه ايه تانى ، قالتله ربك هايدبرها ماتقلقش .. قالها ماقلقش ايه انا نايم فى الشارع عارفه يعنى ايه فى الشارع احنا بقينا متسولين ... استنى ايه ؟؟ استنى لما حد يرميلى جنيه !! 😡 دعت على نفسها بالموت قالتله اعمل ايه ياولدى ماكنتش عارفه انه ممكن صاحب البيت يضحك عليا وانا على نياتى اعمل ايه .. صرخت باعلى صوتها " اتصرف يااااااارب 😫😫"... غابت الست نعمه عن المدرسه اكتر من شهر لغايه ما الناس والطلبه سالو عليها وعرفوا باللى حصلها .. الموضوع بقى ترند فى المدرسه ساعتها وكل الناس اهتموا بيه بعد ما عرفوا انه اتضحك عليها من صاحب البيت .. وفى يوم ١٢ ديسمبر ، الستةنعمه بتحكى وتقول الاسبوع ده كان موجه برد صعبه قوى .. قومت شغلت نار تدفينا وقومت صليت وقولت .. " اشكرك يارب على اننا لاقينا مكان يلمنا ، اشكرك انك محافظ على ولادى من اى شر ، اشكرك كمان انك بتبعتلنا الرزق اليومى بتاعنا ، شكرا انك محافظ علينا وحامينا وشكرا على الحجر اللى بنسند عليه راسنا وننام اخر اليوم ، نعمك كتيره قوى يارب علينا شكرا ليك ، انا عارفه كويس ان دى تجربه وهاتعدى بسلام انا واثقه بس يارب انا لو استحملت عيالى مش هايستحملو ، ارجوك يارب هون علينا الضيقه ، وحلها من عندك .. فلتكن مشيئتك " الست نعمه بتقول اول ماخلصت صلاه لقيت حد جالها من المدرسه وقالها فى حد من اولياء امور المدرسه رجل اعمال وجبلها شقه فى الاسكان .. طبعا احلى مليون مره من الشقه اللى كانت فيها .. ربنا مابينساش حد ابدا ❤❤ 
|
 |
|
| قد تكون مهتم بالمواضيع التالية ايضاً |
| الموضوع |
| اتصرف يا مارمينا اتصرف يا عجائبى |
| يااااااارب |
| يااااااارب |
| يااااااارب |
| يااااااارب |
العرض العادي
