|
 |
 |
 |
|
رقم المشاركة : ( 1 )
13 - 01 - 2026, 11:07 AM
|
|||||||||||
|
|||||||||||
|
الله يسمعك ويسمع انينك واوجاعك ولكنه سيستجيب فى الوقت المناسب قضيه اسامه .. اسامه دكتور اطفال فى الصعيد ، مش متجوز عايش مع امه الكفيفه ، مالهوش اخوات وابوه متوفى ، عايشين فى بيت ابوه ، البيت قديم وعليه نزاع مع عمه ، اللى بيقول ان ابوه باعله البيت قبل ما يموت وقبض تمنه ، ومعاه عقد البيع .. اسامه دكتور اطفال بيشتغل فى المستشفى العام اللى فى البلد وبيروح كشوفات فى البيوت لاهل البلد عشان يقدر يصرف على البيت وعلى علاج امه .. فى يوم ابن عمه اعترضه فى الطريق ومارضاش يعديه وربطه فى العمود وقاله مش هافكك غير لما امك تيجى وقعد يتريق عليه ويرش عليه مايه. لولا اهل الشارع اتدخلو وفكوه .. مره تانى عمه شافه فى الشارع مسكه وعلقه على باب البيت وقطعله هدومه وقاله مش هارحمك غير لما تسيب البيت انت وامك .. اسامه رافع قضيه على عمه ان الورق اللى معاه مزور بس لسه المحكمه ماحكمتش .. فى يوم ٢٠ ديسمبر اسامه كان راجع من شغله الكلام ده كان حوالى الساعه ٤ الفجر ، عمه دلق عليه مايه ساقعه ، وبقى ماشى فى الشارع يترعش من البرد، وصل البيت اغمى عليه ودخل فى دور التهاب رئوى شديد وسخونه عاليه وبدأ يلهوس .. اسامه بيقول ان فى الوقت ده حلم ان بيكلم ربنا بعتاب شديد وبيقوله ، ليه يارب تسمح بكل ده ، انت عارف انى ضعيف وماليش حد اتسند عليه غيرك ، ليه تسمح للشر انه يتغلب عليه ، طيب ماهونتش عليك وانا بضرب منهم ؟؟ ماهنتش عليك دموع امى ؟؟ فينك من كل الظلم اللى حاصل ده ، ليه يارب تسمح ليهم انهم يفكرو انهم اقوى من الحق ؟؟ طيب لو ماكسبتش القضيه وعمى خد البيت تهون عليك امى الكفيفه تنام فى الشارع !! وفضل يبكى بكا شديد قوى لدرجة ، ساعتها حس بحد بيخبط على كتفه ، لكن اسامه ماكنش شايفه فضل يخبط على كتفه لغايه ما اسامه صحى من النوم ، لقى واحد صاحبه قاعد جنبه .. قاله حمدلله عالسلامه ياراجل دانت غلبتنا عشان تفوق من الهلوسه دى .. اسامه اول مافتح عينيه لقى صوره على الحيطه مكتوب عليها ايه بتقول " لا تخف لانى انا معك" صاحبه قاله ايه رايك فيها انا جبتهالك وعلقتها كمان .. فاق اسامه لكن فى حاجه غريبه ، كانت معاه مش مقتنع انه كان بيحلم ، حاسس فعلا ان الحلم ده كان حقيقه مش مجرد هلوسه ، حاسس فعلا انه كان بيتكلم مع ربنا ، والايه اللى شافها حسها انها رساله من ربنا كان حاسس بسلام وقوه عجيبه .. عدت الايام ويوم ٣٠ مارس حكمت المحكمه ببطلان عقد البيع اللى مع عم اسامه وحكمت عليه بالتزوير ده غير قضايا المضايقات اللى كان بيضايق بيها اسامه .. عزيزى القارىء الله يسمعك ويسمع انينك واوجاعك ولكنه سيستجيب فى الوقت المناسب ، ثق به .. 
|
 |
|
العرض العادي
