|
 |
 |
 |
|
رقم المشاركة : ( 1 )
13 - 01 - 2026, 10:50 AM
|
|||||||||||
|
|||||||||||
|
سامح بيته اتسرق منه واترمى فى الشارع هو وعياله .. سامح كان مشترى شقه فى برج وقافلها وكان مسافر بره مصر حوالى ٢٠ سنه ولما رجع لقى ناس غريبه قاعدين فى الشقه ومعاهم عقد ملكيه مزور من حد غريب بايعلهم الشقه .. سامح كان هايتجنن شقتى ياناس ضاعت منى شقا عمرى .. راح عمل محضر ولكن يبقى الوضع على ما هو عليه بوضع اليد .. فضل على الحال ده اكتر من سنه قاعد فى شقه ايجار وشايف ملكه مسروق منه ومش عارف يثبت حقه .. محامين كتير وماحدش عارف يحل كل ما يسمعو اسم الراجل اللى سارق الشقه يبعدو لانه كان راجل صعب جدا وبتاع مشاكل ومشهور .. يوم ٢٢ يناير لسنه ٢٠١٠ سامح راح عشان يتخانق مع الراجل راح اتضرب واترمى فى الشارع من شدة الوجع فضل يصرخ زى المجنون ويكلم ربنا .. انا مش قديس عشان تختبر صبرى او ثقتى فيك ، ليه سايبنى للشيطان يلعب بافكارى ويقولى ربنا سابك؟؟ حقيقى انا محتاج تدخلك فى حياتى محتاجك تحل الضيقه اللى انا فيها ، انا مش هاقدر استحمل اكتر من كدا ، صبرت كتير واتعذيت بعظات كتير جدا عن عملك مع الناس لكن مستنيك تعمل معايا انا كمان معجزه ، حقيقى انا محتاجك تدخل بجد بصرخلك تدخل ياااارب .. من شدة الوجع والتعب سامح اغمى عليه والناس ودوه المستشفى .. هناك فى دكتور لما عرف حالته اهتم به ولما فاق قاله انا عندى محامى قريبى هاكلمهولك وهو شاطر جدا وهايحللك مشكلتك .. رفع قضيه وقدم كل ورق الملكيه وتسلسل الملكيه بتاع سامح ، وتابع القضيه خطوه بخطوه ويوم ١٥ مايو لسنه ٢٠١١ حكمت المحكمه بتمليك الشقه لسامح وبالفعل الحكم اتنفذ .. بعد ما كان الراجل مبلطج وواخدها بوضع اليد وماحدش عارف يخرجه لكن ارادة الله فوق كل شىء ربنا ممكن يتاخر لكن مستحيل يتركنا .. 
|
 |
|
| قد تكون مهتم بالمواضيع التالية ايضاً |
| الموضوع |
| فى المسيح يسوع ظهرت رحمة الله وحقه وبره وعداله |
| عايز ارجع تاني واترمى في حضنك انت ومحضرك |
| أجرى على حضن ربنا واترمى فيه وبس |
| حط ثقتك واترمي علي الحبيب |
| إذا نظف كل منا أمام بيته صار الشارع نظيفا |
العرض العادي
