|
 |
 |
 |
|
رقم المشاركة : ( 1 )
13 - 01 - 2026, 10:38 AM
|
|||||||||||
|
|||||||||||
|
أبوه طرده من البيت 😢😔 .. سامح شاب ٣١ سنه امه اتوفت وهو صغير ومعاه اتنين اخوات مسافرين بره مصر ، سامح خاطب بنت خالته حوالى ٣ سنين وبيحاول يكون نفسه ، ابوه معاه عماره اربع ادوار بس للاسف الشديده ابوه مصاب بداء البخل ، بخيل جدا على عياله لدرجه ان سامح لما طلب من ابوه شقه يتجوز فيها ، ابوه رد عليه وقاله "هاتدفع كام فى الشهر " كانت الكلمه صدمه شديده لسامح ، هو عارف ان ابوه بخيل بس ماكنش متخيل ان يوصل لكدا .. رضا بحاله وسلم امره لله واتفق على مبلغ معين يدفعه لابوه كل شهر .. عدت سنتين وسامح ابنه تعب بمرض وحش .. واتعثر فى الفلوس بسبب مصاريف العلاج وجلسات الكيماوى والمرتب مش مقضى فا اتاخر ٣ شهور ايجار .. وابوه بدل ما يقف جنبه خذله كالعاده وجاله فى يوم وقاله الشهر الجاى تلم حاجتك وتمشى عشان الشقه اتاجرت لحد تانى .. الناس اتدخلت عشان يعقلو ابوه ويقولوله عيب اللى انت بتعمله ده مع ابنك ، ده ابنك فى محنه المفروض انت اول واحد تقف جنبه لكن للاسف كل المحاولات فشلت وبردو نفذ اللى فى دماغه .. سامح راح قعد عند حماه اللى عوضه عن حنان الاب اللى كان وكل حاجه وكان دايما يقوله انت مش جوز بنتى انت ابنى اللى ربنا عوضنى به .. لغايه ما ربنا اتحنن على سامح وعدى التجربه الصعبه دى على خير وانعم على ابنه بالشفاء التام ، والدنيا اتحسنت مع سامح وقدر يشترى شقه تمليك ويسكن فيها .. جاله خبر ان ابوه نزلت عليه جلطه سببتله شلل .. اول حاجه سامح عملها ، لم شنطة هدومه وراح لابوه يخدمه ، ولما مراته كلمته قالها " انا ربنا هايحاسبنى لو اهملت ابويا ، مهما عمل فيا هو دلوقتى وحيد ومحتاجتى " ربنا قال اكرم اباك وامك حتى تطول ايامك على الارض ، ربنا بيحاسب كل واحد على حسب اعماله " 
|
 |
|
| قد تكون مهتم بالمواضيع التالية ايضاً |
| الموضوع |
| احزن لو اهملت الاعتراف بخطاياك |
| احزن لو اهملت كتابك المقدس ولو يوم |
| احزن اذا اهملت في صلواتك ولو مزمور |
| خسارتك كبيرة ان اهملت الصلاة |
| كان نفسي اكون في ايامك اكون تحت رجلك يا ابويا بحبك يا ابويا |
العرض العادي
