برنامج في حب والدة الاله الموسم الرابع (الحلقة الاولى)

[مورا مرمر]

اهلا بيكم اعزائي مشاهدين شاشة الفرح المسيحي

معاكم حصريا بنقدملكم الحلقة الاولى من برنامج في حب والدة الاله الموسم الرابع

كل سنة وانتوا طيبين العدرا مريم ام النور تملا قلوبكم بالنور والفرح

خليني اقولكم بوضوح فقرات البرنامج
ِِ
١. ترنيمة
٢. حوار مع ضيف (؟؟؟؟؟) خمنوا بقى
٣. سؤال (لكل الاعضاء والزوار)
٤. تمجيد للسيدة العذراء مريم
٥. هسيبلكم شوية (covers) تنفع للفون

الحلقة بعنوان (الطهارة في حياة العذراء مريم)

[مورا مرمر]

الفقرة الاولى : ترنيمة

اشمعنى انتى مارفى صموئيل

ِ

[مورا مرمر]

ورجعنالكم تاني مع الفقرة التانية ومع ضيفنا المميز جدا
وهو مش ضيف الحقيقة هو صاحب منتدانا الغالي مستر رامز
اهلا بيك كل الترحيب ليك
وكل سنة وحضرتك طيب بمناسبة صوم ام النور
شفاعتها وصلواتها تفرحك وتسندك طول حياتك

عنوان الحلقة (الطهارة في حياة العذراء مريم)

خليني اقولك بردو الفقرة دي متقسمة شوية
فخلينا نبتدي
1. بقول ابائي عن طهارة السيدة العذراء مريم
بردو هشارك معاك بواحد وهنتظر تعليقك عليه وانك تشاركنا بقول بردو بقول عن الطهارة في حياة العدرا مريم ،

"+ بطهارة أفتتح السيد المسيح الأحشاء الطاهرة، لكي يولد الإنسان مرة ثانية على مثاله."

2. حابه تكلمنا اكتر عن فكرة ازاى العدرا مريم عاشت الطهارة الحقيقية في حياتها وازاى احنا كمان نعيش زيها ونتعلم منها

3. سؤال ليك: هل تفتكر ايه ذكرت عن موضوع الطهارة وازاى ظهر دا بالعدرا مريم في حياتها.

4. دي بقى لعبة وهي عبارة عن ايموجي والايموجي دا لو عرفته فهو عن ايه في الكتاب المقدس عن الطهارة عليك تعرفها وتجيب الشاهد بتاعها



5.هل تحب تقول اى كلمة اخيرة في الختام عن الموضوع دا لكل الزوار

هنتظر اجاباتك مستر رامز وواثقة اني هستمتع بيها انا وكل اللى هيشوفها

[مورا مرمر]

الفقرة الثالثة: سؤال

الفقرة دي سؤال للكل الاسئلة اجابتها سهلة حتى لو باين السؤال انه صعب
بس هسيبه ليكم والاجابة هتكون الحلقة الجاية فكروا بقى في الاجابة



فكروااااااا

[مورا مرمر]

الفقرة الرابعة: مديح السيدة العذراء مريم

السلام لك يا مريم يا أم الله القدوس
السلام لك يا مريم يا بكر بتول وعروس
السلام لك يا مريم يا تابوت عهد النعمة
السلام لك يا مريم يا ثمرة لذيذة طعمة
السلام لك يا مريم يا جنة وفردوس
السلام لك يا مريم حملت الغير محسوس
السلام لك يا مريم يا خليلة سليمان
السلام لك يا مريم يا دواء يبرئ التعبان
السلام لك يا مريم يا ذات البتولية
السلام لك يا مريم يا رجاء المسيحية
السلام لك يا مريم يا زرع طاهر مبرور
السلام لك يا مريم يا سالمة من الشرور
السلام لك يا مريم يا شفيعة فى المؤمنين
السلام لك يا مريم يا صلاحا للخاطئين
السلام لك يا مريم يا ضياء فى البرية
السلام لك يا مريم يا طاهرة ونقية
السلام لك يا مريم يا ظاهرة بأجلى بيان
السلام لك يا مريم يا عروسة للديان
السلام لك يا مريم يا غالية وثمينة
السلام لك يا مريم يا فاضلة وأمينة
السلام لك يا مريم يا قوية فى الحروب
السلام لك يا مريم يا كنز الله المرهوب
السلام لك يا مريم يا لوح العهد الجديد
السلام لك يا مريم يا معونة لمن يريد
السلام لك يا مريم يا نسل طاهر مغبوط
السلام لك يا مريم يا هيكل نقى مضبوط
السلام لك يا مريم يا والدة الإله
السلام لك يا مريم يا لائقة له فى علاه
السلام لك يا مريم يا ياقوت غالي الأثمان
السلام لك يا مريم يا زهرة فى البستان
تفسير اسمك فى أفواه كل المؤمنين
الكل يقولون يا إله العذراء مريم اعنا اجمعين
بركة وشفاعة الست العذراء مع جميعنا امين

[مورا مرمر]

الفقرة الخامسة:
دي شوية خلفيات للعدرا مريم ، هسيبكم تعيشوا معاها وتجددوا خلفيات الفون بتاعكم




























سلام
كانت معكم مورا مرمر
صلوا لاجلي

[Ramez5]

بدأ صوم والدة الإله القديسة مريم العذراء
ربنا ينفعنا ببركة شفاعتها عنا وصلواتها لينا
وكل سنة وحضراتكم طيبين وبخير وسعادة
وأهلا بعودة برنامج في حب والدة الاله

هشارك معاك بواحد وهنتظر تعليقك عليه وانك تشاركنا بقول بردو بقول عن الطهارة في حياة العدرا مريم ،

"+ بطهارة أفتتح السيد المسيح الأحشاء الطاهرة، لكي يولد الإنسان مرة ثانية على مثاله

أن السيد المسيح من خلال طهارته فتح الطريق لولادة جديدة للإنسان على صورته أي على صورة القداسة والنقاوة ..

مريم تتجلى في بتوليتها وطهارتها قبل وأثناء وبعد الولادة
بأنها باب السماء و فاتحة كنوز النعمة
كما إنها أعظم امرأة في الوجود بل أعظم من الملائكة

ازاى العدرا مريم عاشت الطهارة الحقيقية في حياتها
وازاى احنا كمان نعيش زيها ونتعلم منها

دة من الدروس المهمة إللى بنتعلمه من حياة العذراء مريم
عاشت العذراء مريم حياة الطهارة والبتولية فقد كرست حياتها لله منذ صغرها وكرست بتوليتها لله وظلت عذراء حتى بعد ولادتها للسيد المسيح
فالطهارة هي من صميم لقب العذراء ومن صميم صفاتها وحياتها وسلوكها .
ومن هنا نجد في العذراء القدوة الصالحة في الطهارة والعفة ..

هل تفتكر ايه ذكرت عن موضوع الطهارة
وازاى ظهر دا بالعدرا مريم في حياتها

الطهارة من أهم مقومات الحياة الروحية ..
أما تعلَمونَ أنَّكُمْ هيكلُ اللهِ وروحُ اللهِ يَسكُنُ فيكُم إنْ كانَ أحَدٌ يُفسِدُ هيكلَ اللهِ فسَيُفسِدُهُ اللهُ لأنَّ هيكلَ اللهِ مُقَدَّسٌ الذي أنتُمْ هو (1كو3: 16-17)
عاشت السيدة العذراء حياة البتولية والعفة والطهارة طوال حياتها حتى فارقت الحياة إلى الحياة الأبدية
وأصبحت السيدة العذراء مَثلنا الأعلى ..
الذي نحتذي به في التمسك بحياة العفة والطهارة ..
رغم كل إغراءات العالم وشروره وانحرافاته
فالطهارة هي حياة تشبه حياة الملائكة ..


مش عارف خالص ....

تحب تقول اى كلمة اخيرة في الختام عن الموضوع دا لكل الزوار

أحب أقول العذراء مريم هي شخصية مقدسة في المسيحية وأنها والدة يسوع المسيح وتعتبر أمًا مقدسة ومثالًا للطهارة والعفة وهى من أعظم النساء في التاريخ

وأحب فى النهاية أشكرك على الموضوع الرائع والمميز فى حب والدة الإله

[Mary Naeem]

في منتهى الجمال

ربنا يباركك