|
 |
 |
 |
|
|
|
رقم المشاركة : ( 1 )
22 - 04 - 2025, 09:16 PM
|
|||||||||||
|
|||||||||||
 إزاي ترجع تحاول تاني .. بعد ما كل حاجة اتهدت فوق دماغك؟ بعد ما اللي كنت حاسس إنه ثابت .. وقع؟ بعد ما حلمك اتكسّر.. وقلبك اتفرم؟ بعد ما قعدت وسط الركام، مش لاقي غير صوت الصمت؟ هقولك إزاي.. ترجع تحاول لما تفتكر إنك مش لوحدك تحت الهدم. فيه إيد كانت تحتك.. شالتك وانت بتقع .. وفيه عين كانت شايفاك .. وانت بتنهار قدام الناس اللي مش شايفين حاجة. ربنا مش بس بيبني من جديد .. ده بيحب يخلق من العدم .. من الحتة اللي الناس قالت عليها: خلاص اتحرقت. اللي اتهد فوق دماغك .. كان لازم يتهد علشان تبني على صخر .. مش على رملة ناس .. ولا على وهم اسمه “أنا تمام”. وإنت لسه عايش؟ يبقى لسه في أمل. طول ما فيه نفس .. فيه رجعة. وطول ما فيه ربنا .. فيه قيامة. حاول تاني .. بس المرادي مش لوحدك. سيبه هو يحاول جواك.. يحاول فيك.. ويبدأ من أول حتة وجعتك. لو كل حاجة اتكسرت .. هو بيعرف يجمع الكُسَر .. ويعمل منها لوحة، الناس تندهش وهي بتتفرّج عليها. حاول .. مش لأنك قوي .. لكن لأنك مَمسوك بإيد أقوى. 
|
 |
|
| قد تكون مهتم بالمواضيع التالية ايضاً |
| الموضوع |
| ها ترجع الشوريه تاني مليانه بالبخور |
| لازم ترجع تاني زي الأول |
| مش ها ترجع تبقى عبد تاني لحد |
| بلدنا ترجع تاني |
| عاوز ترجع تضحك تانى |
العرض المتطور